Ammoriy

Insonning taftini inson oladi…

Ba’zida insonga qimmatbaho sovg‘alar, mol-dunyo yoki ortiqcha dabdaba kerak bo‘lmaydi. Shunchaki bir inson kerak bo‘ladi. Ha, faqatgina bir inson…

U ota-onasi, ustozi, aka-ukasi, doʻsti yoki ayoli bo‘lishi mumkin. Xullas, qalbiga yaqin, borligini his qilganda ko‘ngli taskin topadigan bir inson.

O‘sha inson bilan soatlab suhbatlashging, shunchaki yonma-yon yurging yoki bir piyola choy ustida dildan gaplashging keladi. Ba’zan hech qanday maslahat ham kerak emas — shunchaki tinglaydigan, holingni chin dildan so‘raydigan, senga e’tibor beradigan inson bo‘lsa kifoya.

Chunki inson ba’zan bir og‘iz samimiy so‘zga, birgina mehrli nigohga, “Yaxshimisan?” degan chin dildan berilgan savolga ehtiyoji bo‘ladi.

Mehrni mehr bilan, dardni hamdardlik bilan, yolg‘izlikni esa samimiyat bilan yengadi inson.

Shunday ekan, bir-birimizga mehr berishdan, hol so‘rashdan, e’tibor ko‘rsatishdan tortinmaylik. Axir biz uchun oddiy tuyulgan birgina e’tiborimiz kimningdir ko‘ngliga taskin, qalbiga esa qayta iliqlik olib kirishi mumkin…

Ba’zan birovning baxtiga sabab bo‘lish uchun ko‘p narsa kerak emas. Shunchaki inson bo‘lish, mehr berish va yonida bo‘lish kifoya.

@byammoriy

Xo‘p, demak, 3 ta insonga kitob hadya qilamiz! 📚 Qanday aniqlaymiz? Shu post izohuda 1 dan boshlab ketma-ket raqam yozasizlar. Har bir odam faqat 1 marta komment qoldirsin❗️ Soat 20:00 da random orqali 3 kishini tanlaymiz. Kitob nomlari hozircha sir 🤫 Eng…

Xo‘sh, bir kichik syurpriz qilsak-chi? 👀❤️‍🔥

Yangi kelganlarni ham unutmagan holda, kimningdir kunini chiroyliroq qilish niyatidamiz… 🤍

Hozircha nima ekanini aytmaymiz, sir bo‘lib tursin. 🤫

Kutamiz deysizlarmi? Unda ❤️‍🔥 qoldiring!

Birozdan keyin aytaman )

Ammor kim❓ Ismim Abdunosir. Bu yerda meni Ammor deb taniydi. Andijonlikman. Yoshimni esa hozircha sir saqlaymiz. 😄 O‘zimni tanishtirishni nimadan boshlashni bilmadim. Balki hayot yo‘limdan boshlaganim ma’quldir. O‘rta ta’limni tamomlagach, universitetga…

Qoriyam, jufti halolim… ❤️

Jufti halolim bo‘lib hayotimga kirganingdan keyin, agar biror kun asabiy yoki tushkun holatda uyga kelsam, iltimos, darrov: “Nima bo‘ldi?” deb so‘rama.

Buning o‘rniga, qornim ochmi yoki to‘qmi, shuni so‘ra. Agar “Qornim och”, desam, mehr bilan tayyorlagan taomingni chiroyli qilib dasturxonga tortib, meni ovqatga taklif qil. Agar “Qornim to‘q”, desam, ko‘nglimni ko‘tarish uchun menga Qur’ondan oyatlar o‘qib ber, kitob mutolaa qilib ber yoki meni birgalikda namoz o‘qishga unda.

Albatta, o‘zimga kelib, jahlim bosilgach, ko‘nglim tinchigach, nima bo‘lganini va meni nima bezovta qilayotganini o‘zim senga aytib beraman.

Faqat iltimos, o‘sha paytda ketma-ket savollar berib, allaqachon tarang bo‘lgan asablarimni yanada charchatma. Menga o‘sha damlarda savollardan ko‘ra mehring, sukuting, tushunishing va yonimda ekaning ko‘proq kerak bo‘ladi.

Chunki ba’zan insonning dardini so‘z bilan emas, mehr bilan yengillatish mumkin.

Menga shunchaki ayolim emas, ko‘nglimga taskin beradigan, qalbimni Allohga yaqinlashtiradigan hamrohim bo‘lgin. Men ham senga shunday mehr va xotirjamlik bera oladigan juft bo‘lishga harakat qilaman. ❤️

@byammoriy

Ko‘zlaringda yashasam edi…❤️
Yuragingda orom topsam, har tong nigohingdan uyg‘onsam, har tun kipriklaring ostida shirin tushlaringga aylansam edi… ✨

@byammoriy

Hamma davralarda eshituvchi boʻlgan inson, bir inson oldida gapiruvchi boʻladi…
Gapiruvchi inson esa eshituvchi )

Bizning doktorlarimiz shunchalik mas’uliyatsiz bo‘lib ketadimi?

Kecha kechga oyog‘imning og‘rig‘i kuchayib, yangi TOSHMI’ga keldim. Qayta gips qilish kunduzgi 08:00 dan 14:00 gacha bo‘ladi, deb qaytarib yuborishdi. Ortiqcha gapirgim kelmadi. “Tartib shunday shekilli”, deb qaytib ketdim.

Bugun yana keldim. Qabul bo‘limidan 5-korpusga borasiz, deyishdi. Keldim. Masofa ham ancha uzoq ekan. Bu yerda doktor dam olishga chiqqan, deb 1-korpusga jo‘natishdi.

Doktor Orifxo‘ja aka degan odam ekan, familiyasini bilmayman. U yer ham uzoq ekan, yana borib kutdim, kirdim. Gaplashdik. Oddiy gips qilib qo‘ying, desam, “Tushlik”daligini aytdi. “Shunga bu yerga chaqirgandim”, deb yana 5-korpusga jo‘natdi. O‘sha yerda gips qilaman, deb.

Yana keldim. Hozir kutyapman…

Eng qizig‘i, bitta oyoq og‘rig‘i bilan kelib, ham bosh og‘rig‘i, ham qo‘l og‘rig‘i qo‘shildi. 😅

Hassa-tayoqda kimdir yurgan bo‘lsa, azobini biladi — qandayligini.

Ishim tushmaguncha doktorlarni yomonlashsa, ishonmas edim. Bugun amin bo‘ldim.

To‘g‘ri, hamma doktor mas’uliyatsiz emas. Ammo oyog‘im singanda borgan doktor ham shunday mas’uliyatsiz edi. Yozib beradigan dori-darmon va tahlil natijalarini rosmana bir haftadan oshiq vaqt o‘tib berdi. Unda ham ustoz telefon qilib, qattiq gapirganidan keyin.

Oyog‘im singan kuni “Tez yordam” ham sal kam 30 daqiqada kelgan edi. Aloqa operatorida o‘tiradiganlar ham juda mas’uliyatli ekan. Xushmuomala — qo‘shtirnoq ichida. 😁

Ha, hammamizga Alloh insof bersin. Bir-birimizning ustimizdagi haqni ado etishimizga O‘zi yetkazsin.

Bunday “yaxshi, mas’uliyatli” doktorlarni Alloh O‘zi to‘g‘ri yo‘lida sobitqadam qilsin.

Ustoz bilanmiz )

Sevsang, hassatayoqlarim va singan gips oyog‘im bilan sev 😁❤️

Yana yomg‘ir… xayollarimda yana sen

Yomg‘irdagi ko‘lmaklarga qarab, seni eslayapman. Yosh bolalarcha ko‘lmaklar ustida sakrashing, suvlarni atrofga sachratib, o‘zingcha xursand bo‘lishing ko‘z oldimga keladi.

Sen ulg‘aysang ham, menimcha, ichingdagi o‘sha jajji qizaloq hech qachon ulg‘aymasa kerak. Ba’zan jiddiy, ba’zan esa hech narsani o‘ylamay, bolalarcha quvonib ketadigan o‘sha qizaloq…

Aynan mana shu jajji qizaloqqa ishqim boshqacha, bilasan-a buni.

Balki yomg‘ir ham shuning uchun menga seni eslatgandir. Chunki ba’zi insonlar bo‘ladi — ular bilan bog‘liq xotiralar oddiy narsalarga ham yashirinib qoladi: yomg‘ir tomchisiga, ko‘lmakka, biror qo‘shiqqa yoki shunchaki sokin kechaga.

Bugun yana yomg‘ir yog‘yapti. Men esa beixtiyor seni o‘ylayapman. Qiziq, sen ham hozir yomg‘irga qarab, meni bir zum bo‘lsa-da eslayapsanmikan?

Balki eng og‘riqlisi ham shu — inson ba’zan eng ko‘p sevgan odamiga juda kam gapirar ekan…

Yetishish oson bo‘lganida, balki oy ham bunchalik go‘zal ko‘rinmasdi. Uzoqligi ham uning qadrini oshiradi. 🌙

🤩

Kitob o‘qish uchun kichik, yopiq guruh tashkil qilsak nima deysizlar? Birgalikda bitta kitob tanlaymiz va uni belgilangan muddatda o‘qib tugatamiz. Har kuni ma’lum miqdorda sahifa o‘qish majburiyati bo‘ladi. O‘qishni nazorat qilish uchun kunlik me’yorga amal…

Jonga duodan boshqa malham yo’q!

Kitob o‘qish uchun kichik, yopiq guruh tashkil qilsak nima deysizlar?

Birgalikda bitta kitob tanlaymiz va uni belgilangan muddatda o‘qib tugatamiz. Har kuni ma’lum miqdorda sahifa o‘qish majburiyati bo‘ladi. O‘qishni nazorat qilish uchun kunlik me’yorga amal qilmaganlardan kichik miqdorda badal olamiz va yig‘ilgan mablag‘ni ehson qilamiz.

Guruhda noo‘rin so‘zlardan tiyilamiz. Shuningdek, guruhdagi yigit-qizlarning bir-biri bilan shaxsiy yozishmalariga yo‘l qo‘ymaymiz. Maqsadimiz — ortiqcha suhbat emas, birgalikda kitob o‘qish va foydali fikr almashish.

Kitobni yakunlagach, ovozli chatda birgalikda muhokama qilamiz.

Eng muhimi, buni shunchaki guruhga kirib qo‘yish uchun emas, haqiqatan ham kitob o‘qishga niyati borlar bilan tashkil qilmoqchimiz.

Har kuni o‘qishimizni Alloh ko‘rib turganini yodda tutib, o‘zimizga va’damizga sodiq bo‘laylik.

Kimda qanday fikr yoki taklif bor? Rostdan ham qatnashib, kitobni oxirigacha o‘qiydiganlar yozsin.👇

https://t.me/ammoriy_bot

📨 Sizda yangi anonim xabar bor! Assalomu alaykum Turmush qurish arafasida turgan qiz va yigitga qanday kitoblarni oʻqishni tavsiya berolasiz? (1) Umuman olganda oʻqilishi kerek boʻlgan top 20 ta kitoblar roʻyxatini ham qilib berolasizmi? (2) va alaykum…

📨 Sizda yangi anonim xabar bor! Assalomu alaykum Turmush qurish arafasida turgan qiz va yigitga qanday kitoblarni oʻqishni tavsiya berolasiz? (1) Umuman olganda oʻqilishi kerek boʻlgan top 20 ta kitoblar roʻyxatini ham qilib berolasizmi? (2) va alaykum…

📨 Sizda yangi anonim xabar bor!

Assalomu alaykum
Turmush qurish arafasida turgan qiz va yigitga qanday kitoblarni oʻqishni tavsiya berolasiz? (1)

Umuman olganda oʻqilishi kerek boʻlgan top 20 ta kitoblar roʻyxatini ham qilib berolasizmi? (2)

va alaykum assalom. bu savollarga oʻz egalari javob bergani afzal. ertaga ustozimdan soʻrab bu yerga yuboraman )