Scopus Academy

#XalqaroYutuq #IlmFan #TOP2

💠O‘zbekiston Milliy universiteti olimlari "World's Top 2% Scientists 2026" reytingiga kiritildi

Mirzo Ulug‘bek nomidagi O‘zbekiston Milliy universitetining ilmiy salohiyati xalqaro miqyosda yana bir bor e’tirof etildi. Jahonning eng yetakchi 2% olimlari reytingi ("World's Top 2% Scientists 2026" (TOPSCINET) yangi natijalari e’lon qilindi. Havola: https://topscinet.com/

🔻Har yili Stenford universiteti va Elsevier nashriyoti tomonidan dunyo olimlarining iqtiboslik ko'rsatkichlari asosida eng nufuzli top 2% olimlar ro‘yxati yangilab boriladi. O‘zbekistonlik olimlarning standartlashtirilgan xalqaro metrikalar bo‘yicha bunday nufuzli reytingdan joy olishi mamlakatimiz ilmiy salohiyati yildan-yilga oshib borayotganini ko‘rsatadi.

🔹Ushbu nufuzli ro‘yxatdan Mirzo Ulug‘bek nomidagi O‘zbekiston Milliy universitetining quyidagi olimlari o‘rin oldi:

Dilfuza Egamberdiyeva, Biologiya va ekologiya fakulteti Mikrobiologiya va biotexnologiya kafedrasi professori (Mikrobiologiya);

Bobomurod Ahmedov, O‘zMU qoshidagi Nazariy fizika instituti direktori (Fizika-astronomiya);

Elyor Berdimurodov, Kimyo fakulteti Fizikaviy kimyo kafedrasi professori (Fizikaviy kimyo);

Javlon Rayimbayev, Fizika fakulteti Yadro fizikasi va astronomiya kafedrasi professori (Fizika-astronomiya);

Ahmadjon Abdujabborov, Fizika fakulteti Umumiy fizika kafedrasi professori (Fizika-astronomiya);

Yusufjon Gʻaffarov, Biologiya va ekologiya fakulteti Botanika va genetika kafedrasi dotsenti (Mikologiya va parazitologiya).

Kanal jamoasi yetuk olimlarimizni erishilgan ushbu yuksak natija bilan samimiy tabriklaydi va ularga yangi ilmiy zafarlar tilaydi.

Manba

📌 Batafsil: @Scopus_Academy

Ilmiy rahbar va ilmiy kengash mas’uliyatini qanday kuchaytiramiz?

Oldingi postimda ilmiy daraja dissertatsiyaga emas, tadqiqotni amalga oshirgan insonga berilishini yozgandim. Endi buni amalda ta’minlash bo‘yicha takliflarim.

1. Ilmiy rahbarning shaxsiy mas’uliyati.

Ilmiy rahbar talabgorning tadqiqotni mustaqil bajarganini, ilmiy natijalarga qanday erishganini va uning shaxsiy hissasini yozma ravishda tasdiqlashi kerak. Bu oddiy tavsiyanoma emas, dalillarga asoslangan xulosa bo‘lsin.

Axir talabgorning bir necha yil davomida nima bilan shug‘ullanganini ilmiy rahbaridan yaxshiroq kim biladi?

2. Mavjud elektron tizimdan foydalanish.

Innovatsion rivojlanish agentligining ilmiy faoliyat bo‘yicha hisobotlar yuklanadigan elektron platformasi mavjud. Yangi tizim yaratish shart emas.

Ilmiy kengash a’zolariga talabgorning ushbu platformaga yuklagan davriy hisobotlari va tadqiqot natijalari bilan tanishish huquqi berilsin.

Shunda kengash faqat tayyor dissertatsiyani emas, ilmiy natijalar qanday shakllanganini ham ko‘ra oladi.

3. Talabgorning o‘zini baholash.

Himoyada kengash faqat dissertatsiyadagi yangiliklarni muhokama qilish bilan cheklanmasin.

Talabgor tadqiqotni qanday bajargani, qanday qiyinchiliklarga duch kelgani, natijalarni qanday olgani va ularni qanchalik chuqur tushunishi ham baholansin.

Kengash a’zolari ovoz berishda dissertatsiya bilan birga uning muallifiga ham baho berayotganini unutmasligi kerak.

4. Mas’uliyat va javobgarlik.

Agar tadqiqot boshqa shaxs tomonidan bajarilgani aniqlansa, ilmiy rahbarning bergan tasdiqnomasi va nazorat faoliyati ham o‘rganilsin. Uning aybi isbotlangan taqdirdagina javobgarlik masalasi ko‘rilsin.

Bu takliflardan maqsad yangi byurokratiya yaratish emas. Aksincha, mavjud ma’lumotlardan foydalanib, haqiqiy ilmiy mehnatni qadrlash.

Ilmiy daraja bir necha oyda tayyorlangan hujjatlar uchun emas, yillar davomida qilingan haqiqiy ilmiy mehnat uchun berilishi kerak-ku!

©️@botirov_golibjon

Kanalga ulanish
@centerasia_library

​​#Scopus_talabi_ilm_nur

Scopus talabi bosqichma-bosqich kuchaytirilmoqda

Oliy taʼlim, fan va innovatsiyalar vazirligiga berilgan topshiriqlar ijrosi bo‘yicha nazorat rejasida ilmiy darajalar uchun xalqaro nufuzli jurnallarda maqola chop etish talabi bosqichma-bosqich joriy etilishi belgilangan.
Rejaga ko‘ra:

2026-yil sentyabridan boshlab DSc dissertatsiyalari bo‘yicha olingan ilmiy natijalar asosida kamida 2 ta maqola Q1 yoki Q2 kvartildagi jurnallarda chop etilishi amaliyoti joriy qilinadi.
2027-yildan boshlab PhD dissertatsiyalari uchun ham qo‘shimcha ravishda kamida 1 ta maqolani Q1 yoki Q2 kvartildagi jurnalda nashr qilish talabi kiritilishi nazarda tutilmoqda.
Bu talablar ilmiy tadqiqot sifatini oshirish, xalqaro ilmiy maydonda O‘zbekiston olimlarining ko‘rinishini kuchaytirish va dissertatsiya natijalarining xalqaro ekspertiza mezonlariga mosligini taʼminlashga qaratilgan.

⚠️NAZORAT REJASI BILAN TANISHING

Video muallifi▪️

✅Yanada batafsil: @ILM_NUR_2020 🔗

⁉️O‘zbekiston qaysi fanlarda ko‘proq ko‘rinmoqda?

O‘zbekistonning Scopus’dagi o‘sishini faqat umumiy maqolalar soni orqali kuzatish yetarli emas. Chunki ilmiy salohiyatning qiziq tomoni — qaysi fanlarda publication faolligi shakllanayotganida.
SCImago ma’lumotlari davlat natijalarini alohida subject area va subject category kesimida ham ko‘rish imkonini beradi. Masalan, biokimyoning ayrim tor kategoriyalaridan birida 2024-yilda Qozog‘istondan 84, O‘zbekistondan 63, Qirg‘izistondan 9, Tojikistondan esa 2 hujjat qayd etilgan. Scimago Journal Rank
Bu bitta tor yo‘nalish misoli, albatta. Uni butun mamlakat ilm-faniga umumlashtirib bo‘lmaydi.
Lekin aynan shunday subject-level tahlil bizga muhim narsani ko‘rsatadi: O‘zbekistonning Scopus’dagi o‘sishi qaysi fanlar hisobiga yuz bermoqda? Keyingi bosqichda fizika, kimyo, muhandislik, tibbiyot, kompyuter fanlari, ijtimoiy fanlar va gumanitar yo‘nalishlarni alohida ko‘rish kerak.
Shunda “maqolalarimiz ko‘paydi” degan umumiy xulosadan: “Qaysi ilmiy yo‘nalishlarda xalqaro ko‘rinishimiz kuchaymoqda?” degan ancha foydali savolga o'tamiz.

📌 Batafsil: @Scopus_Academy

#Scopus_Academy

Scopusda turgan ayrim jurnallar ham bugun “maqola chiqarib berish” biznesiga aylanib qolyapti. Jurnal sotib olinadi, nomi saqlanadi, lekin ichidagi ilmiy muhit o‘zgaradi.

Yosh olimlar bitta narsani unutmasin: “Scopusda bor ekan” degani — xavfsiz degani emas.

Jurnalni tanlashda kamida shularni tekshirish kerak:

— noshiri yaqinda o‘zgarmaganmi;
— maqolani 7–10 kunda qabul qilmayaptimi;
— bir sonda haddan tashqari ko‘p maqola chiqmayaptimi;
— special issue’lari ko‘payib ketmaganmi;
— tahrir hay’ati real ishlayaptimi.
Hozir eng xavfli gap: “pulini bersak, chiqarkan”. Ilmda bu gap keyin qimmatga tushadi.

━━━━━━━━━━━━━━━
🎓 @Scopus_Academy
Ilmiy muvaffaqiyat sari ishonchli hamroh.
━━━━━━━━━━━━━━━

Scopus bo‘yicha O‘zbekistonda toifalar kesimida TOP-5 oliygohlar

Milliy reyting doirasida 2025-yilda Scopus ma’lumotlari asosida oliygohlarning ilmiy nashrlar faolligi va xalqaro iqtibos ta’siri tahlil qilindi.

Bunda oliygohlarning ilmiy nashrlar faolligi nafaqat nashrlar soni, balki ilmiy sifat va xalqaro iqtibos ta’siri nuqtayi nazaridan ham baholandi.

Tahlilga ko‘ra, har 100 nafar professor-o‘qituvchiga to‘g‘ri keladigan ilmiy nashrlar soni:

➖TOP–1000ga kirgan universitetlarda – 71,4 ta;
➖ijtimoiy-gumanitar oliygohlarda – 37,5 ta;
➖amaliy oliygohlarda – 33,2 ta;
➖tibbiyot oliygohlarida – 20,5 ta;
➖ijod (sport) oliygohlarida – 1,3 tani tashkil etgan.

Har bir oliy ta’lim tashkilotining natijalari tegishli ko‘rsatkichlar asosida umumlashtirilib, ballarda ifodalandi. Infografikalarda har bir oliygohning toifa bo‘yicha egallagan o‘rni bilan birga to‘plagan bali ham aks ettirilgan.

Oliy ta’lim tashkilotlarining ilmiy nashrlar faolligiga oid batafsil sharh bilan ushbu havolada tanishishingiz mumkin.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

🚢 DUNYO SAVDOSINI BOSHQARAYOTGAN 5 TA GEOGRAFIK NUQTA

Dunyo savdosining katta qismi dengiz orqali amalga oshiriladi. Kemalar esa istalgan yo‘ldan emas, muayyan bo‘g‘oz va kanallardan o‘tadi. Shu nuqtalardan biridagi muammo butun dunyoda narxlar va yetkazib berish muddatlariga ta’sir qilishi mumkin.

1. Hormuz bo‘g‘ozi

Fors ko‘rfazidagi neft va gazning tashqi bozorlarga chiqishida muhim yo‘l. Bu hududdagi keskinlik energiya narxlariga tez ta’sir ko‘rsatadi.

2. Malakka bo‘g‘ozi

Hind va Tinch okeanlarini bog‘laydi. Xitoy, Yaponiya, Janubiy Koreya va Janubi-Sharqiy Osiyo savdosi uchun katta ahamiyatga ega.

3. Suvaysh kanali

Osiyo bilan Yevropani eng qisqa dengiz yo‘li orqali bog‘laydi. Kanal yopilsa, kemalar Afrikaning janubidan aylanib o‘tishga majbur bo‘ladi.

4. Bosfor va Dardanel bo‘g‘ozlari

Qora dengiz davlatlarini O‘rta yer dengizi bilan bog‘laydi. Don, neft mahsulotlari va boshqa yuklar harakatida muhim o‘rin tutadi.

5. Panama kanali

Atlantika va Tinch okeanlari o‘rtasidagi masofani keskin qisqartiradi. Suv tanqisligi yoki tirbandlik kanal imkoniyatlarini cheklashi mumkin.

Bu nuqtalar dunyo savdosini bevosita “boshqarmaydi”. Ammo ulardan biridagi uzilish global savdoni sekinlashtirish kuchiga ega.

Markaziy Osiyo dengizga chiqish imkoniga ega bo‘lmasa ham, bunday o‘zgarishlardan chetda qolmaydi. Tashish xarajatlari oshsa, mintaqaga kirib keladigan mahsulotlar narxi ham ko‘tariladi.

https://t.me/centerasiastudy

#Scopus_Academy_tarix

07.00.00 – Tarix fanlari insoniyat taraqqiyoti, davlatchilik, sivilizatsiyalar, madaniyat va jamiyat rivojlanishining tarixiy jarayonlarini o‘rganadigan fundamental yo‘nalishlardan biridir.

Bugungi kunda tarixshunoslikda manbashunoslik, tarixiy tafakkur, raqamli tarix, geosiyosiy jarayonlar hamda sivilizatsiyalararo aloqalarni o‘rganishga bo‘lgan qiziqish tobora ortib bormoqda.

Scopus bazasidagi Q1–Q2 darajadagi jurnallarda maqola chop etish esa tadqiqotchining xalqaro ilmiy maydondagi ko‘rinishi va ilmiy nufuzini oshiradi. Ayniqsa, “Past & Present”, “Journal of Global History” yoki “The Journal of African History” kabi jurnallar tarix yo‘nalishidagi eng nufuzli ilmiy platformalar hisoblanadi.

Quyidagi posterda 07.00.00 – Tarix fanlari bo‘yicha ayrim kuchli Scopus jurnallari jamlandi.

━━━━━━━━━━━━━━━
🎓
Ilmiy muvaffaqiyat sari ishonchli hamroh.
━━━━━━━━━━━━━━━

2027-yil uchun oliy ta'limdan keyingi ta'lim kvotalari

O‘zbekiston Respublikasi Oliy ta’lim, fan va innovatsiyalar vazirining 2026-yil 11-avgustdagi 337-son buyrug‘i bilan qabul https://t.me/ilmiy_darajali_kadrlar

Jami kvotalar soni — 4 840 ta. Ushbu kvotalar respublikadagi 234 ta ilmiy va ta’lim tashkilotlari kesimida taqsimlandi.

Kvotalar quyidagicha belgilangan:
stajyor-tadqiqotchilikka — 400 ta;
tayanch doktoranturaga — 3 900 ta;
doktoranturaga — 540 ta.

Bu nimani anglatadi? 2027-yilgi qabulda asosiy kvota tayanch doktoranturaga ajratilgan. Ya’ni PhD bosqichiga talab va ehtiyoj yuqoriligicha qolmoqda.

Shu bilan birga, stajyor-tadqiqotchilik va doktorantura uchun ham alohida kvotalar tasdiqlangani ilmiy kadrlar tayyorlash tizimi bosqichma-bosqich davom etishini ko‘rsatadi.

📢 Kanalga ulanish: https://t.me/PhD_Supp0rt