Muslim Ismoil | Arab tilim

Nega o'rganayotganingizni yaxshilab tushunib oling va uni tez-tez eslab turing. Eslab turish uchun esa kundaligingizga yozib qo'ying. Shunday qilsangiz uzun yo'llar qisqadek, charchoqlar rohatdek ko'rina boshlaydi.

Necha marta arab tilini o'rganishga qaytgansiz?

🍀 Tarjima bilan yetkazib berilolmaydigan ma'nolar bor...

Tilning badiiy adabiyot olamiga sho'ng'iy olish darajasiga chiqqanimizda, aslida hammasi (haqiqiy foyda, rohat) endi boshlanayotgan bo'ladi.

Shuning uchun maqsadni yuqori qo'yish kerakligini, B2, C1 darajalari ham aslida yetarli maqsad emasligini tushinishimiz kerak.

B2, C1 darajasida bir tilni bilish, xuddi bir yerni rosa qazib qazib ichidan xazinali sandiqni chiqarishga o'xshatsak bo'ladi.

Ko'pchilik shu sandiqning o'zi bilan kifoyalanib qolsa, yana biroz himmat qilib chuqurroq qaziganlar tilla koniga yetib boradi.

Til o'rganish jarayonining o'ziga xos mashaqqati bor, intizom va sabr talab qiladi. Eng shirali joyiga esa haqiqiy muxlislar yetib boradi!

Nega o'rganayotganingizni yaxshilab tushunib oling va uni tez-tez eslab turing.

Eslab turish uchun esa kundaligingizga yozib qo'ying.

Shunday qilsangiz uzun yo'llar qisqadek, charchoqlar rohatdek ko'rina boshlaydi.

Masalliq yig'avermang, uni pishirib ham turing!

Zero, qanchalik ko'p masalliq yig'ilmasin, yeyilmasa — chirib axlatga tashlanadi.

Miyamiz ishlatilmayotgan bilimni "keraksiz yuk" deb biladi va undan qutilishga harakat qiladi. Kerakli deb bilganlarini esa saqlaydi, yodda tutadi.

Miya olingan bilimni ishlatib foydalangani sari — uni kerakli deb biladi.

Lug'at, ibora va qoidalarini yig'avermang, ularni gapda qanday ishlayotganini his qiling, his qildiring.

Agar "Избранное"ingizda saqlab qo'yganlaringizdan foydalanganingizda allaqachon C1 darajaga chiqib qolar edingiz.

Unutib qo'yyapsizmi, unda qanchalik foydalanayotganingizga, amal qilayotganingizga bir nazar soling.

Amal qila olmayapsizmi, unda u sizga qanchalik kerak bo'layotganini tahlil qiling. Zero, chinakam ehtiyoj sezilgan bilim amalni o'z-o'zidan taqozo qiladi.

Shunda siz "ko'p narsa o'rganyapman-u lekin natija yo'q" deyish o'rniga "amal qilib foydalanmaganim uchun natija bo'lmayapti, esdan chiqyapti" deysiz.

Masalliqlaringiz chirishiga yo'l qo'ymang!

🍀 Kitobingizdagi xatchoʻpingiz oldinlab turgan bo'lsa kerak-a...

Qilib yurganlarni ko'rishimiz o'zimiz ham qilishimizni tezlashtiradi.

Eplay olganlarni ko'rishimiz, biz ham eplay olishimizni eslatadi.

Atrofdagilarimiz C1-C2 darajalarni olishayotganini ko'rishimiz, biz ham ulardek qila olishimizni eslatib turadi.

Eslab turish esa, tezroq o'rganishga, ko'proq amal qilishga undab turadi.

O'zimizdan kuchliroq, bilimliroq yoki amali ko'proqlar bilan yurishimiz bizni ham ularga yetib olishga undaydi.

Bilim olishda, unga amal qilishda susayib qo'lsak, kimlarning atrofida ekanligimizga qarab qo'yaylik.

Havasda gap katta ekan...

Qilib yurganlarni ko'rishimiz o'zimiz ham qilishimizni tezlashtiradi. Eplay olganlarni ko'rishimiz, biz ham eplay olishimizni eslatadi. Atrofdagilarimiz C1-C2 darajalarni olishayotganini ko'rishimiz, biz ham ulardek qila olishimizni eslatib turadi. Eslab…

Arab tilichilar

19% - grammatikachilar
77% - fonetikachilar
4% - fonetikani endi tugatudim CEFR kursila bormi?

P.S: post raqamlar haqida emas.

💊 Hozir mashaqqatlariga 1-2 yil sabr qilib o'rganib olsangiz, umringizning oxirigacha rohatini ko'rasiz...

Issiq sovuq, yorug'lik zulmat, kuch zaiflik, kerakli keraksiz, yaxshi yomon...

Yuqoridagilarning biri ketsa albatta sherigi keladi, biri qanchalik kamaysa, zaiflashsa, sherigi shunchalik ko'payadi kuchayadi.

Qanchalik yaxshi do'stlar orttirsak shunchalik yomonlari o'z-o'zidan uzoqlashadi, aksi ham shunday.

Keraksiz ishlarni qanchalik kamaytirsak, ularga kamroq kuch sarflasak, kerakli muhim ishlarga shunchalik vaqtimiz kuchimiz topilaveradi.

Resurslarimiz cheklangan, nimadan resursni qissak, uning muqobilidagi narsaga o'z-o'zidan resurs topiladi.

Yomon odatlardan xalos bo'laylikki, yaxshi odatlarga imkon, kuch, vaqt topa olaylik.

Bugungi hayotimiz — kechagi tanlovlarimiz hosilasidir.

Har bir qadamimiz, har bir harakatimiz — bu bizning qarorimiz hamda tanlovimizdir.

Bir inson arab tilini yaxshi bilsa, demak, u bir necha yil avval ushbu tilni astoydil o'rganishni tanlagan.

Yana bir insonning xulqi go'zal bo'lsa, demak, u o'z vaqtida yaxshilar bilan hamroh bo'lishga qaror qilgan.

Xo'sh, bu tanlovlarimizni qanday nazorat qilamiz? Bir nechta tanlovlar orasidan eng to'g'risini yoki to'g'rirog'ini qanday ajratamiz?

Buning uchun hayotimizning muhim o'rinlaridagi qarorlar haqida yetarlicha tasavvur va tushunchaga ega bo'lishimiz lozim.

Ko'proq tushuncha va tasavvurga ega bo'lishimiz uchun esa ko'p mutolaa qilishimiz, izlanishimiz va o'qishni sevishimiz kerak.

"O'qiyman-u, lekin yodimda qolmaydi" demang, inson kerakli ma'lumotni zarur bo'lganida chaqmoqdek tez eslaydiki, o'ziga hayron qoladi.

O'qing, o'rganing va o'sishdan hech ham to'xtamang!

💊 Telefondan kamroq foydalanishga majbur bo'lish uchun ham uni arab tiliga o'tkazib qo'yishingiz mumkin.

الوَدَاعُ...

🍀 Faraz qiling: Arab tilini C2 darajada bilasiz. Sizda ushbu tilni boshqa C2 darajadagi 5 ta til bilan almashtirish imkoni bor (sharti arab tilini o'rganolmaysiz). Almashar edim — 💊 Almashmas edim — ❤️

🎉 Ramazon hayiti muborak bo'lsin!

فَقَدَ دَوَاءَهُ الّّذِي يُقَوِّي ذِهْنَهُ...
Zehnini kuchaytiradigan dorisini yoʻqotib qoʻydi...

📞 Telefon sinonimlari

ㅤهَاتِفٌ - rasmiy va adabiy tilda;
ㅤمَحْمُولٌ - asosan Misrda;
ㅤجَوَّالٌ - ko'proq Saudiyada;
ㅤتِيلِيفُون - umumiy, norasmiy so'zlashuvda;
ㅤمُوبَايْل - ko'proq Misr, Urdun va Lubnonda.

🌴 | #lugʻatlar

🍀 Faraz qiling:

Arab tilini C2 darajada bilasiz. Sizda ushbu tilni boshqa C2 darajadagi 5 ta til bilan almashtirish imkoni bor (sharti arab tilini o'rganolmaysiz).

Almashar edim — 💊
Almashmas edim — ❤️

Kelajakka qilinadigan eng katta yaxshilik ijtimoiy tarmoqlardan parxez qilishdir!

Quyidagi tavsiyalarni o’z hayotimda bir muddatdan beri sinab kelmoqdaman, natijada hayotim avvalgidan ancha sokinroq va sekinroq (barakali), diqqatim esa keraksiz ma’lumotlardan yetarlicha narida o'tmoqda.

Instagram va youtube:
• Ularning mobil ilovalaridan to'g'ridan-to'g'ri foydalanmaslik va o'chirib yuborish.
• Juda zarur bo’lsa browserdan ochib foydalanish.

Telegram esa shaxsiy va professional hayotimizning bir qismiga aylanib ulgurgani uchun uni o'chirib tashlolmasak-da bir necha qadamda ziyonini kamaytirishimiz mumkin:

1. Muhim bo’lmagan kanal va guruhlarni tark etish;
2. Qolgan kanal va guruhlarning barchasini tovushsiz rejimga o’tkazish;
3. Eski keraksiz yozishmalarni tozalash, qolganini arxivga oʻtkazib qoʻyish.

Ushbu usullar orqali telefon ekran soatingiz 2-3 barobarga qisqarishi hech gap emas.

Quyidagilar bilan ham tanishib chiqsangiz masalani yanada chuqurroq tushunasiz:

• https://t.me/azizrakhimov_blog
• https://t.me/azizrakhimov_blog
• https://youtu.be/jAiPmAmoRn8?si=VqQz-qUeYSffSYQS&t=5952

Sertifikatga tez erishish illuziyasi

Imtihon algoritmlarini o'rganib B2, C1 ga ilinib olish maqsad emas, rostdan ham B2, C1 darajasida tilni bilish haqiqiy maqsad.

Rey Dalio aytganidek haqiqiy bilim yodlangan bilim emas, intuitsiya bo'lib ketgan (yuqqan) bilim haqiqiy bilim.

Buni uzun yo'ldan borish yoki qisqa yo'ldan kesib oʻtishga o'xshatsak bo'ladi.

Kishi mushaklarini ukol bilan qanchalik ishirmasin bu bilan haqiqiy kuchli tanaga erisha olmaydi.

Huddi shunday test strategiyasini o'rganib imtihonda ma'lum bir darajaga amallab ilinib olish, haqiqatda o'sha darajada ekanligingizni anglatmaydi.

Bugungi kunda B2, C1 sertifikatlarining qadri tushib ketayotganining ortida ham aynan algoritmlarni o'rganib olish tendensiyasi sabab bo'lmoq-da.

Har qanday daraja egasi (ustasi), o'z darajasidagi ko'nikmalarni avtomatik bajaradi.

Aynan shu avtomatik bajarishga haqiqiy ko'nikma deyiladi, bunga esa qisqa yo'llar bilan erishib bo'lmaydi.

Uzun yo'lni tanlash — o'sha narsaga arzishni tanlashdir.

Sertifikatga erishish muhimmi yoki haqiqatda o'sha darajada bo'lish, unga arzish muhimmi? Tanlov o'zimizda!

P.S: Insho yetarlicha bilim olinganidan keyin algortimni bilib yaxshiroq natijaga erishish haqida emas.

مَذَاقُ العِلْمِ مَا أَحْلَاهُ...
Ilmning ta'mi naqadar shirin...

Siz yolgʻiz emassiz

Arablarning oʻzlariga ham oson emas, ular ham arab tilini alohida ter toʻkib oʻrganishadi, yangi adabiy lugʻatlar yodlashadi, sarf nahvlarda qiynalishadi...