ZamZam Bank S.C

የዓመታት የጽናት ጉዞ ወደ ዓለም አቀፍ ድል ተሸጋገረ፤ የዘምዘም ባንክ ዋና ሥራ አስፈጻሚ ወ/ሮ መሊካ በድሪ የ2026 WOMANi አዋርድ የክብር ሽልማትን አገኙ!

ለዓመታት የተገነባው የስራ ብቃት እና የአመራር ውጤት፣ ወደ አዲስ ምዕራፍ ተሸጋግሮ በድጋሜ ዓለም አቀፍ እውቅናን አግኝቷል።

የዘምዘም ባንክ አ.ማ. ዋና ሥራ አስፈጻሚ ወ/ሮ መሊካ በድሪ፣ በዓለም አቀፍ መድረክ እንደገና ታሪክ ሰርተዋል፤ የላቀ የአመራር ብቃታቸውንና የረጅም ዓመታት የሙያ ተሞክሯቸውን በዓለም አቀፍ እውቅና አስመስክረዋል።

በማሌዢያ ኩዋላ ላምፑር፣ በካምብሪጅ አይኤፍኤ አዘጋጅነት በተካሄደው የ2026 WOMANi ሽልማትና እውቅና ሥነ-ሥርዓት፣ የማሌዢያ ጠቅላይ ሚኒስትር መሥሪያ ቤት ምክትል ሚኒስትር የተከበሩት ሴናተር ፑዋን ማርሃማህ ሮስሊ እና ኢስላማዊ ፋይናንስ ዘርፍ ዓለም አቀፍ ተፅዕኖ ፈጣሪ እንዲሁም የካምብሪጅ ኢንስቲትዩት ኦፍ ኢስላሚክ ፋይናንስ ዋና ዳይሬክተር ጀነራል ፕሮፌሰር ሁማዩን ዳርን ጨምሮ ታዋቂ መሪዎች በተገኙበት የዘምዘም ባንክ አ.ማ. ዋና ሥራ አስፈጻሚ ወ/ሮ መሊካ በድሪ፣ በወለድ-ነፃ የባንክ አገልግሎትና በፋይናንስ አካታችነት ላይ ባበረከቱት ልዩ አስተዋጽኦ፣ በዓለም አቀፍ የኢስላሚክ ፋይናንስ ኢንዱስትሪ ውስጥ ከፍተኛ ተፅዕኖ ፈጣሪ ከሆኑ ሴቶች መካከል በመመረጥ እውቅና ተችሯቸዋል።

ኢትዮጵያ በዚህ እጅግ ታዋቂ በሆነ ዓለም አቀፍ መድረክ በክብር መነሳቷ ይህን ታሪካዊ ስኬት ለሀገራችን ከፍተኛ የኩራት ምንጭ ያደርገዋል።

ይህ እውቅና የክብር ሽልማት ብቻ ሳይሆን የታላላቅ እሴቶች መገለጫ ነው፡
• ለአሥርት ዓመታት የቆየ የማይናወጥ ጽናት
• የበርካታ ዓመታት የሙያ ተሞክሮ
• በግልጽ ዓላማና ተልዕኮ የተመራ የአመራር ብቃት
• ቀጣይነት ያለው ተምሳሌታዊ አሻራ
• ለዘምዘም ባንክ ደግሞ እጅግ ታላቅ የኩራት ምንጭ ነው፡፡

በመሆኑም፣ ለወ/ሮ መሊካ በድሪ ለተቀዳጁት ለዚህ ታላቅ ዓለም አቀፍ ስኬት፤ እንዲሁም ሙሉ የዘምዘም ባንክ ቤተሰቦችና ለመላው ኢትዮጵያውያን እንኳን ደስ አላችሁ እንላለን!

እንኳን ደስ አለን!

ዘምዘም ባንክ
የማይነጥፍ የእድገት ምንጭ!

ዘምዘም ባንክ ለሁለት ቀናት ሲያካሂድ የቆየውን ዓመታዊ የሜኔጅመንት ስብሰባዉን በተሳካ ሁኔታ አጠናቀቀ።

በግምገማው የባንኩ የቦርድ አባላት፣ከፍተኛ አመራሮች እና የቅርንጫፍ ስራ አስኪያጆች የታደሙ ሲሆን የዓመቱ የስራ ክንውን  ለውይይት ቀርቦ  በስፋት እና በጥልቀት በመዳሰስ እና የመፍትሔ አቅጣጫዎች በማስቀመጥ በስኬት ተጠናቋል።

የዘምዘም ባንክ ቦርድ ሰብሳቢ ዶ/ር ናስር ዲኖ ባለፈው ዓመት ለተገኘው  አመርቂ ውጤት አመስግነው በቀጣይ ለሚጠብቀን ሰፊ ስራ በቂ ዝግጅት በማድረግ ደንበኛ ተኮር ዕቅዶችን በመንደፍ እና ከደንበኞች ጋር ያለንን ቤተሰባዊ ቁርኝት በማጠናከር የደንበኛ አገልግሎት ልዕልናን ማጠናከር እንደሚያስፈልግ አጽዕኖት ሰጥተው መልዕክታቸውን አስተላልፈዋል።

ወ/ሮ መሊካ በድሪ የዘምዘም ባንክ ዋና ስራ አስፈጻሚ በበኩላቸው ያሉብንን ክፍተቶች ካለፈው በጀት ዓመት የስራ ክንውን ተሞክሮ በመዉሰድ  በቀጣይ ለሚጠብቀን ስራ ያለንን ጥንካሬ ይበልጥ በመጠቀም የተሻለ ውጤት ለማስመዝገብ ርብርብ ማድረግ የሁላችንም ኃላፈነት ሊሆን እንደሚገባ መልዕክታቸውን አስተላልፈዋል።

በመጨረሻም ባንኩን ወደተሻለ ደረጃ እንደሚያደርሰው የታመነበት ስትራቴጂክ ዕቅድ ላይ ሰፊ ገለጻ ተደርጎበት እና የጋራ አቋም በመያዝ እንዲሁም የላቀ ውጤት ላስመዘገቡ ቅርንጫፎች የዕውቅና ሽልማት በመስጠት  የዓመቱ የግምገማ መርሀ ግብር በሰኬት ተጠናቋል።

ዘምዘም ባንክ
የማይነጥፍ የእድገት ምንጭ

ዘምዘም ባንክ እያካሄደ የሚገኘው ዓመታዊ የማኔጅመንት ግምገማ ለሁለተኛ ቀን ቀጥሏል።

እየተከናወነ በሚገኘው በዚህ ግምገማ በርካታ የዓመቱ ክንውኖች ለውይይት ቀርበዉ በስፋት እና በጥልቀት የታዳሰሱ ሲሆን በመድረኩ የተገኙ ታዳሚያን በንቃት እየተሳተፉ ይገኛሉ።

መድረኩ ቀሪ አጀንዳዎችን በተያዘላቸው መርሀ ግብር መሠረት  እየተወያየ የሚቀጥል ይሆናል።

ዘምዘም ባንክ
የማይነጥፍ የእድገት ምንጭ