Hulum News ሁሉም ኒውስ

የደረቀ ውቅያኖስ የለም‼️
“በሱማሊያ በኩል ያለው ቀይ ባህር ደረቀ” የሚለው መረጃ ውሸት ነው‼️
​በማህበራዊ ሚዲያዎች ላይ “በሱማሊያ በኩል ያለው ቀይ ባህር ደረቀ” በሚል የሚሰራጨው መረጃ ሙሉ በሙሉ አሳሳች እና የሐሰት መረጃ (Fake News / Misleading) እንጂ እውነት አይደለም።

​በጂኦግራፊ፣ በውቅያኖስ ጥናት (Oceanography) እና በአካባቢ ጥበቃ ሳይንሳዊ መረጃዎች መሠረት በቀይ ባህርም ሆነ በአደን ባሕረ ሰላጤ አካባቢ ምንም ዓይነት የውኃ መድረቅ አልተከሰተም።

​◉ ሳይንሳዊ እና ጂኦግራፊያዊ እውነታዎች

​ሱማሊያ ከቀይ ባህር ጋር ድንበር የላትም፦ ሱማሊያ የምትገኘው በህንድ ውቅያኖስ እና በአደን ባሕረ ሰላጤ (Gulf of Aden) ዳርቻ ላይ እንጂ በቀይ ባህር (Red Sea) ወሰን ላይ አይደለም። የቀይ ባህር መውጫ (ባብ ኤል-መንደብ) የሚያበቃው በጅቡቲ እና በየመን የባህር ወሰን ላይ ነው።

​የውኃ መጠኑ አልቀነሰም፦ የቀይ ባህር እና የአደን ባሕረ ሰላጤ ውኃ ከታላቁ ህንድ ውቅያኖስ ጋር የተያያዘ በመሆኑ እንደ ተነጠሉ የቤት ውስጥ ሐይቆች (ለምሳሌ እንደ አራል ባህር) የመድረቅ ዕድል የለውም።

​◉ የተሳሳተው መረጃ ምንጭ እና ሳይንሳዊ ምክንያቶች

​የሞገድ መሸሽ (Low Tide) በጨረቃ እና በፀሐይ የስበት ኃይል ምክንያት በየቀኑ የባህር ውኃ ወደ ኋላ የመሸሽ (Low Tide) ክስተት ያጋጥማል።በዚህ ወቅት የባህሩ ዳርቻ ሰፊ ሆኖ ስለሚታይ፣ አጋጣሚውን በቪዲዮ ቀርፀው "ባህሩ ደረቀ" የሚል አሳሳች መረጃ ያሰራጫሉ።

​የባህር ወለል መስፋፋት (Seafloor Spreading)፦ የአፍሪካ እና የአረቢያ ቴክቶኒክ ፕሌቶች እየተራራቁ በመሆናቸው ቀይ ባህር እና የአደን ባሕረ ሰላጤ በየዓመቱ በጥቂት ሚሊሜትር እየሰፉና እየጠለቁ እንጂ እየደረቁ አይደሉም።

​የባህር ወለል መጨመር (Sea Level Rise)፦በአለም አቀፍ ደረጃ በሚታየው የአየር ንብረት ለውጥ እና የዋልታዎች በረዶ መቅለጥ ምክንያት የባህር ወለል መጠን (Sea level) እየጨመረ እንጂ እየቀነሰ አይደለም።

​◉ በማህበራዊ ሚዲያ የተሰራጩት ምስሎች እና ቪዲዮዎች ላይ የሚታየው እውነተኛ ቦታው የት ነው?

​ትክክለኛ ቦታው ምስሎቹ የሚያሳዩት በህንድ (India) ጉጃራት ግዛት የሚገኘውን አላንግ (Alang Ship Breaking Yard) የተባለውን የዓለማችን ትልቁን አሮጌ መርከቦች ማፍረሻ ቦታ ነው።

​በምስሉ ላይ የሚታዩት መርከቦች ​በግራ በኩል የሚታየው ትልቅ የነዳጅ መጫኛ መርከብ (Tanker) ነው።​በቀኝ በኩል የምትታየው ደግሞ "Marco Polo" የተባለች አርጅታ ለመበጣጠስ የመጣች የሽርሽር መርከብ (Cruise Ship) ናት።​ከበስተጀርባ የሚታዩት መርከቦቹን ለመቁረጥ የተዘጋጁ ክሬኖች (Cranes) እና የመበጣጠሻ መሳሪያዎች ናቸው።
​
◉ መርከቦቹ ደረቅ መሬት ላይ እንዴት አረፉ?

​መርከቦቹ አሸዋው ላይ ያረፉት ባህር ደርቆ ሳይሆን ሆን ተብሎ በተደረገ ቴክኒካዊ አሰራር (Beaching Process) ነው። ​ውኃው በጣም በሚሞላበት ጊዜ (High Tide) መርከቦቹን በከፍተኛ ፍጥነት ወደ አሸዋማው ዳርቻ ያስጠጉዋቸዋል። ​ውኃው ወደ ኋላ በሚሸሽበት ጊዜ (Low Tide) መርከቦቹ በደረቁ አሸዋ/ጭቃ ላይ ስለሚቀሩ ሰራተኞች በእግራቸው ሄደው ለመቁረጥ ይመችቸዋል።

​በቪዲዮው ላይ የሚታየው ክስተት በህንድ አገር አሮጌ መርከቦችን ለማፍረስ በባህር ውኃ መሸሽ ወቅት (Low tide) የተቀረፀ ተራ የመርከብ ማፍረሻ ቦታ እንጂ የቀይ ባህር መድረቅ አይደለም። መረጃው ሙሉ ለሙሉ ውሸት ነው።

የ12ኛ ክፍል ፈተና ውጤት ይፋ ሆነ።

የ2018 ዓ/ም የ12ኛ ክፍል ሀገር አቀፍ ፈተና ውጤት ይፋ ተደርጓል። ተፈታኞችም ውጤታቸው ማየት ጀምረዋል።

ውጤት ለማየት ፦
👉 በድረ ገጽ ፡ https://result.eaes.et/
👉 ቴሌግራም፡ https://result.eaes.et/telegram
👉 አጭር የጽሑፍ መልዕክት፡ https://result.eaes.et/sms

በአንድ ጊዜ በርካታ ተማሪዎች ውጤታቸውን ለማየት ስለሚሞክሩ የኔትዎርክ መጨናነቅ ሊያጋጥም ስለሚችል ደጋግሞ መሞከር ይገባል።

የትምህርት ምዘናና ፈተናዎች አገልግሎት ተፈታኞች ቅሬታ ሲኖራቸው በአካል መምጣት ሳያስፈልጋቸው https://result.eaes.et/complaint የሚለውን ማስፈንጠሪያ በመጠቀም ቅሬታቸውን ከነሐሴ 19 እስከ 26/2018 ዓ/ም ከቀኑ 10፡00 ሰዓት ድረስ ማቅረብና ምላሹንም በዛው ማስፈንጠሪያ መከታተል እንደሚችሉ ገልጿል።

ነገ ነሐሴ 17 ቀን 2018 ዓ.ም የጥገና ሥራ ለማከናወን የኃይል አቅርቦት የሚቋረጥባቸው አካባቢዎች ፡-

✅ ከጠዋቱ 2፡00-9፡30

👉አለም ባንክ፣ ኢንዲያና ት/ቤት፣ ታፍ ማደያ፣ አቃቂ ብሩህ ተስፋ ት/ቤት፣ ኮፊ ሲቲ ፣ ገነት ሆቴል፣ ቡልጋሪያ፣ ቄራ፣ ኦሮሚያ ሳርቤት ቢሮ እና አካባቢው፣   

👉ቂሊንጦ ኮንዶሚየም፣ አዲስ አበባ ሳይንስ እና ቴክኖሎጂ ዮኒቨርስቲ፣ ቂሊንጦ ላይ ሰፈር፣ ቂሊንጦ ሚካኤል፣ ሌስ ፍራንስ ት/ቤት፣ ጥሩነሽ ቤጂንግ ሆስፒታል፣ አሳማ ጊቢ፣ ኮዬ አደባባይ፣ ዋሊያ ቢራ እና አካባቢው፣

👉በባህርዳር፣አባይማዶ፣ማራኪ ቀበሌ፣120 ቪሌጅ እና አካባቢው፣

✅ ከጠዋቱ 2፡00-11፡00

👉አወልያ  መስጅድ፣ ካኦጄጄ፣ አቡነሃብተማርያም፣ አስኮ ጨረታ፣ 40/60 ኮንዶሚኒየም፣ ብርጭቆ ቀይ መስቀል ጋር፣ ብርጭቆ ማርያም ቤተክርስቲያን፣ አርሴማ ቤተክርስቲያን እና አካባቢው፣

👉አስኮ አዲስ ሰፈር፣ኦሮሚያ ሜዳ፣ አዲስ አበባ ቆዳ፣ መድሀኒያለም ቤተክርስቲያን፣ መልካ በሮ 01 ቀበሌ እና አካባቢው፣  

👉አውጉስታ፣ ወይራ ሰፈር፣ ወይራ ኮንዶሚኒየም፣ ሞቢል፣ የድሮው ራሺያ ካምፕ፣ ተዘንአ ሆስፒታል ፣ ጦርሃይሎች ጎልፍ ክለብ እና አካባቢው ፣

👉ጉርድ ሾላ ቴሌ፣ የካ ሞሰብ፣ ትምህርት መሳሪያዎች፣ ጃክሮስ አደባባይ ፣ ሜታ ቢራ ፋብሪካ እና አካባቢው፣

👉ኮተቤ ኪዳነ ምህረት፣ አራራት ሆቴል፣ ሀይሌ ሪዞርት ሆቴል፣ እስራኤል ኢምባሲ፣ የካ ክፍለ ከተማ ድረስ እና አካባቢው

👉አፍሪካ ሕብረት፣ መቻሬ ኮንዶሚኒየም፣ ልደታ ፀበል፣ ሜክሲኮ፣ ትንባሆ ሞኖፖል፣ ሳር ቤት፣ በአደማ አዋሽ መልኬሳ እና አካባቢው የኃይል አቅርቦት ይቋረጣል፡፡

ስለሆነም በአካባቢው የምትገኙ ክቡራን ደንበኞቻችን ይህንኑ በመገንዘብ አስፈላጊውን ቅድመ ዝግጅት እንድታደርጉ በአክብሮት እናሳውቃለን

#የ12ኛ ክፍል ውጤት‼️ ዘንድሮ በአጠቃላይ ፈተናውን ከወሰዱ ተማሪዎች መካከል ማለፍ የቻሉት 70 ሺ 544 ናቸው። ካለፉት መካከል በተፈጥሮ ሳይንስ 16.5 በመቶ ሲሆኑ በማህበራዊ ሳይንስ ደግሞ 8.33 በመቶ ናቸው። በዘንድሮ የ12ኛ ክፍል ብሔራዊ ፈተና 563 ሺ 960 ተማሪዎች ተመዝግበው 550 ሺ 210 ተማሪዎች ፈተናውን ወስደዋል። የትምህርት ሚኒስትሩ ፕሮፌሰር ብርሃኑ ነጋ መግለጫ እየሰጡ ይገኛሉ።

ኢትዮ-ኤርትራ‼️
የኤርትራ ሉዓላዊነት ለድርድር የሚቀርብ አይደለም-የኤርትራ ማስታወቂያ ሚኒስቴር‼️
አሁን ባለው የኤርትራ-ኢትዮጵያ ውጥረት የኤርትራ ሉዓላዊነት ለድርድር የማይቀርብ መሰረታዊ ጥያቄ ነው' ሲሉ የኤርትራ ማስታወቂያ ሚኒስቴር ገልጿል።
የንግድ ወደብ መዳረሻ መፈለግ ሌላ ጉዳይ ነው፤ የሌላ ሀገር ግዛትን ለመውሰድ የሚደረግ ጥረት ሌላ ጉዳይ ነው።" ብሏል።

ኤርትራ ከኢትዮጵያ የጠየቀችው የግዛት ጥያቄ የላትም፣ የኢትዮጵያን መሬት ወይም ሀብት አትጠይቅም እንዲሁም ኢትዮጵያ በዓለም አቀፍ ደረጃ እውቅና ያገኘችውን ድንበሮች መለወጥ አትፈልግም። ኢትዮጵያ በቀጠናው የሚገኙ ወደቦችን በድርድር ለንግድ እንዳትጠቀም ኤርትራ ተቃውማ አታውቅም። በዓለም ላይ የባህር ዳርቻ የሌላቸው አገሮች የሌሎች ሀገራትን ሉዓላዊነት ሳይጥሱ የአጎራባች ሀገራት የባህር ዳርቻዎችን በመጠቀም ዓለም አቀፍ ንግድ ያካሂዳሉ።
ኤርትራ የሌላ ሀገር ግዛት አትጠይቅም፤ እንዲሁም ከኢትዮጵያ እና ከሁሉም ጎረቤት ሀገራት ጋር ሰላማዊና ለሁለቱም ወገኖች ጠቃሚ የሆነ ግንኙነት ለመፍጠር ትሻለች።
ድርድር የማይደረግባቸው ጉዳዮች ግን የኤርትራ ሉዓላዊነት እና የግዛት አንድነት ናቸው'ብለዋል።

የራያ ቆቦው ውጊያ‼️
በአማራ ክልል በሰሜን ወሎ ​ራያ ቆቦ ዛሬ ነሐሴ 9/2018 ዓ.ም ማለዳ 1:30 የተቀሰቀሰው ውጊያ ለተወሰነ ጊዜ ከቆየ በኋላ በአሁኑ ሰዓት መረጋጋት ማሳየቱን የመረጃ ምንጮች ገለጹ።

​ከማለዳው አንድ ሰዓት ተኩል (1:30) ጀምሮ ሲካሄድ የቆየው ውጊያ ለአንድ ሰዓት ተኩል ያህል የዘለቀ ሲሆን፣ 3:00 አካባቢ ጀምሮ ውጊያው ጋብ ማለቱ ተሰምቷል።
ወደ ዋጃ መስመር ተንቀሳቅሶ የነበረው መከላከያ ሰራዊት ወደ ካምቱ ተመልሷል።
​በአዲስ ቅኝ አቅጣጫ የህወሃት ታጣቂዎች  ቁጥጥር ስር የነበሩ የባቡር ጣቢያ ጊዜያዊ ካምፖችን ለቀው ወደ ኋላ አፈግፍገዋል።
ይህንን ተከትሎ በራያ ቆቦ ከተማ ውስጥ የተሽከርካሪ እንቅስቃሴ ለጊዜው ቆሞ የነበረ ቢሆንም አሁን መደበኛ እንቅስቃሴ መጀመሩን ምንጮች ለአዩዘሀበሻ ገልፀዋል።
(አዩዘሀበሻ)

🎓 " ከ2010 ዓ/ም እስከ 2015 ዓ/ም የዲግሪ ተመራቂዎች በሙሉ የትምህርት ማስረጃቸውን ለማረጋገጥ በድጋሚ ፈተና ሊፈተኑ ነው " በሚል እየተሰራጨ ያለው መረጃ የተሳሳተና ህዝብ አደናጋሪ ነው።

በተለያዩ የማህበራዊ ሚዲያ ገጾች (በፌስቡክ እና ቲክቶክ) ላይ የኢፌዴሪ ትምህርትና ስልጠና ባለስልጣን ያዘጋጀውንና ለህዝብ አስተያየት ይፋ ያዳረገውን አዲስ ረቂቅ መመሪያ በማዛበት፣ " ከ2010 እስከ 2015 ዓ.ም የመውጫ ፈተና ሳይፈተኑ በመጀመሪያ፣ ሁለተኛና ሶስተኛ ዲግሪ የተመረቁ ተማሪዎች በሙሉ የትምህርት ማስረጃቸውን ለማረጋገጥ ሲባል በድጋሚ ፈተና ሊሰጣቸው ነው " በሚል እየተሰራጨ ያለው መረጃ ፍጹም የተሳሳተ እና ህዝብን የሚያደናግር ነው።

ህዝብ አስተያየት እንዲሰጥበት ይፋ የተደረገው መመሪያ በትክክል እነማንን ነው የሚመለከተው ?

ይህ መመሪያ/አሰራር የሚመለከተው በቀድሞው ዲፕሎማ (10+3፣ 12+2 ወይም ቴክኒክና ሙያ ደረጃ 4 ስልጠና) ተመርቀው፣ ነገር ግን የደረጃ አራት የብቃት ማዕቀፍ (COC) ሳይኖራቸው የመጀመሪያ ዲግሪ፣ ሁለተኛ ዲግሪ (MA) ወይም ሦስተኛ ዲግሪ (PhD) የያዙትን ብቻ ነው።

እነዚህ ዜጎች የትምህርት ማስረጃቸውን ለማረጋገጥ አሁን በያዙት የትምህርት ደረጃ/የያዙት ዲግሪን መሰረት ተደርጎ የሚሰጠውን ፈተና መውሰድና ማለፍ ይኖርባቸዋል።

በአጭሩ የሚመለከተው ወይም ተፈጻሚነቱ :-
- ለዲግሪ ትምህርት ከመግባታቸው በፊት የሙያ ብቃት ማረጋገጫ (COC) ፈተና ሳይወስዱ ዲግሪ የተማሩ እና የተመረቁ።
- የሙያ ብቃት ማረጋገጫ (COC) የወሰዱት ለዲግሪ ትምህርት ከተመዘገቡ በኋላ የሆኑ ተማሪዎች ላይ ነው።

በመደበኛው መንገድ የመግቢያ መስፈርቱን አሟልተው (ለምሳሌ የ12ኛ ክፍል ማለፊያ አምጥተው) የገቡ፣ ወይም ከዲፕሎማ ተነስተው የCOC ፈተና አልፈው ዲግሪ የጫኑ እና የተመረቁ ዜጎችን ይህ መመሪያ አይመለከታቸውም። የትምህርት ማስረጃቸውም ያለ ምንም ተጨማሪ ፈተና እንደ ቀድሞው ይረጋገጥላቸዋል።

መመሪያው በአሁኑ ወቅት በረቂቅ ደረጃ ላይ ያለና እስከ ሐምሌ 13 ቀን 2018 ዓ.ም ድረስ ለህዝብ አስተያየት ክፍት የተደረገ መሆኑ ታውቋል።