QUVASOY SHAHAR HOKIMLIGI

Is gazi hayot uchun xavfli

Telegram | Hukumat portali | Facebook | Instagram | Youtube

Mahalla islohoti – amaliy natijalar va kelgusidagi rejalar muhokamasi

Quvasoy shahar hokimi Zafarjon To‘raqulov rahbarligida mahallalarda amalga oshirilayotgan islohotlar natijadorligi hamda kelgusidagi ustuvor vazifalarga bag‘ishlangan yig‘ilish bo‘lib o‘tdi. Unda shahardagi korxona va tashkilotlar rahbarlari, mahalla raislari hamda mas’ul mutasaddilar ishtirok etdi.

Yig‘ilishda aholi bandligini ta’minlash, fuqarolarni doimiy ish o‘rinlariga joylashtirish va barqaror daromad manbalariga ega qilish, tadbirkorlik tashabbuslarini qo‘llab-quvvatlash hamda kambag‘allikni qisqartirish borasida mahallalarda amalga oshirilayotgan ishlar atroflicha tahlil qilindi.

Xususan, ehtiyojmand oilalarni davlatimiz tomonidan yaratilayotgan imkoniyat va imtiyozlardan samarali foydalanishga yo‘naltirish, ularning iqtisodiy faolligini oshirish hamda kambag‘allikdan chiqarish bo‘yicha olib borilayotgan ishlarning natijadorligiga alohida e’tibor qaratildi.

Shuningdek, mahallalarda obodonlashtirish va ko‘kalamzorlashtirish ishlarini jadallashtirish, hududlarning sanitariya holatini yaxshilash hamda noyabr oyida boshlanishi rejalashtirilgan “Yashil makon” umummilliy loyihasi doirasidagi kuzgi ko‘chat ekish tadbirlariga puxta tayyorgarlik ko‘rish masalalari muhokama qilindi.

Yig‘ilish yakunida shahar hokimi tomonidan mahallalarda ishlarni tizimli tashkil etish, mavjud muammolarga manzilli yechim topish, aholi farovonligini oshirish va belgilangan vazifalar ijrosini ta’minlash yuzasidan mas’ullarga tegishli topshiriqlar berildi.

Telegram | Hukumat portali | Facebook | Instagram | Youtube

#munosabat

Alifboning takomillaştirilişi — davlat tili taraqqiyotida muhim qadam

Til — millatning tarixiy xotirasi, ma’naviy qadriyatlari va madaniy tafakkurini özida mujassam etuvçi bebaho boylikdir. Milliy yozuv tizimini takomillaştiriş esa davlat tilining nufuzini mustahkamlaş, yozma nutq madaniyatini yuksaltiriş va uning zamonaviy taraqqiyot talablariga moslaşuvida muhim ahamiyat kasb etadi.

2026-yil 21-oktabrda hurmatli Prezidentimiz Şavkat Miromonoviç Mirziyoyev tomonidan imzolangan ÖRQ–1184-sonli Qonun davlat tilini rivojlantiriş borasidagi islohotlarning mantiqiy davomidir. Mazkur qonunga muvofiq, lotin yozuviga asoslangan özbek alifbosi 28 ta harf va bitta tutuq belgisidan iborat etib belgilandi. Ayrim tovuşlarning alohida harflar bilan ifodalanişi yozuv tizimini takomillaştiriş, imlo me’yorlarini soddalaştiriş va raqamli texnologiyalarga moslaştirişga xizmat qiladi.

Fikrimça, mazkur yangilaniş şunçaki harflar şaklining özgarişi emas, balki milliy yozuvimizni zamon talablariga uyğunlaştiriş yölidagi muhim qadamdir. Qonunda takomillaştirilgan alifboni bosqiçma-bosqiç joriy etiş, ilgari rasmiylaştirilgan hujjatlarning amal qilişini saqlaş hamda taşqi yozuvlarni belgilangan tartibda yangilaş nazarda tutilgani ham alohida ahamiyatga ega.

Davlat tili masalalari böyiça amaliy faoliyatimizda rasmiy hujjatlar, geografik obyektlar nomlari va taşqi yozuvlarda yagona imlo me’yorlariga rioya etişga alohida e’tibor qaratamiz. Şu bois yangi alifboning mazmun-mohiyatini keng jamoatçilikkа yetkaziş, davlat taşkilotlarida iş yuritiş savodxonligini oşiriş va uning izçil qöllanilişini ta’minlaş muhim vazifalarimizdan biridir.

Zero, davlat tilining nufuzi uning nafaqat huquqiy maqomi, balki kundalik hayotimizda töğri va savodli qöllanilişi bilan belgilanadi. Takomillaştirilgan alifbo esa ona tilimizning rivoji va kelajak avlodga munosib yetkazilişiga xizmat qiladi.

Xusniddin Xöjanazarov,
Quvasoy şahar hokimining ma’naviyat va davlat tili masalalari böyiça maslahatçisi

Telegram | Hukumat portali | Facebook | Instagram | Youtube

“Bolalar farovonligiga investitsiya” sammitining madaniy dasturi doirasida O‘zbekiston Respublikasi Birinchi xonimi Ziroat Mirziyoyeva sammitda ishtirok etayotgan birinchi xonimlar va yuqori martabali mehmonlar bilan birgalikda Imom Buxoriy yodgorlik majmuasiga tashrif buyurdi.
—
В рамках культурной программы саммита «Инвестиции в благополучие детей» Первая леди Республики Узбекистан Зироат Мирзиёева вместе с первыми леди и высокими гостями, участвующими в саммите, посетила мемориальный комплекс Имама аль-Бухари.

Facebook | Instagram

#OAV_2026

🔴Farg'ona 24

Quvasoy shahrida nuroniylar ishtirokida “Diydor shirin” tadbiri bo‘lib o‘tdi.

Telegram | Hukumat portali | Facebook | Instagram | Youtube

Biznesni ro‘yxatga olish tadbiri davomida yuzaga kelishi mumkin bo‘lgan savollarga javob berish uchun 1851 qisqa raqamli call-markaz faoliyat yuritmoqda

Telegram | Hukumat portali | Facebook | Instagram | Youtube

#Xushxabar

Farg‘onalik paxtakorlar 371,5 ming tonna paxta xirmoni yaratib, shartnoma rejasini bajardi

Farg‘ona viloyati paxtakorlari joriy yilgi paxta yig‘im-terim mavsumida 371 ming 500 tonna xirmon yaratib, paxta xomashyosi yetishtirish va topshirish bo‘yicha belgilangan shartnomaviy rejani bajardi.

Ushbu mehnat zafari Prezidentimiz rahbarligida qishloq xo‘jaligini rivojlantirish, sohaga zamonaviy agrotexnologiyalarni joriy etish, ishlab chiqarish jarayonlarini mexanizatsiyalash hamda ilm-fan yutuqlaridan samarali foydalanish borasida amalga oshirilayotgan islohotlarning amaliy natijasidir.

Joriy yilda viloyat bo‘yicha 72 ming gektar maydonda g‘o‘za parvarishlandi. Shundan 62 ming gektariga, ya’ni umumiy maydonning 86 foiziga xorijiy navli chigitlar ekildi.

Mavsum davomida agrotexnik tadbirlarni o‘z vaqtida va sifatli bajarish, g‘o‘za parvarishida ilmiy yondashuvlardan foydalanish, sug‘orish, mineral o‘g‘itlar bilan oziqlantirish va hosilni pishib yetiltirish ishlariga alohida e’tibor qaratildi.

Paxtachilikda yuqori natijalarga erishishda zamonaviy texnikalardan samarali foydalanish muhim ahamiyat kasb etdi. Xususan, joriy yilda Xitoyning «Swan» kompaniyasidan yana 135 ta paxta terish mashinasi xarid qilinib, viloyatdagi mavjud terim mashinalari soni 285 taga yetkazildi.

Zamonaviy texnikalar yordamida 230 ming tonna paxta hosili yig‘ib olindi. Bu terim muddatlarini qisqartirish, mehnat unumdorligini oshirish va daladagi yo‘qotishlarni kamaytirish imkonini berdi.

Zafar muborak, farg‘onalik paxtakorlar! Yangi mehnat zafarlari va barakali xirmonlar hamisha hamrohingiz bo‘lsin!

Fergana.gov.uz|Facebook|Instagram|Youtube|X

"Qora oltin" birinchi boʻlib Fargʻonadan topilganini bilarmidingiz?

Fergana.gov.uz|Facebook|Instagram|Youtube|X

⚡️ O‘zbekiston aholisi 39,5 mlndan oshdi

🏢 Milliy statistika qo‘mitasi ma’lumotlariga ko‘ra, 2026-yil 1-oktabr holatiga O‘zbekistonning doimiy aholisi soni 39 535 225 kishini tashkil etdi (ro‘yxatga olish natijalarini hisobga olgan holda).

📊 Aholi soni o‘tgan yilning mos davriga nisbatan 692,2 ming kishiga yoki 1,8 foizga ko‘paygan.

🇺🇿 Hududlar kesimida doimiy aholi soni:

Samarqand viloyati – 4 462 783 kishi

Farg‘ona viloyati – 4 293 001 kishi

Toshkent viloyati – 3 799 043 kishi

Qashqadaryo viloyati – 3 746 228 kishi

Andijon viloyati – 3 574 464 kishi

Toshkent shahri – 3 278 512 kishi

Namangan viloyati – 3 190 767 kishi

Surxondaryo viloyati – 3 030 030 kishi

Qoraqalpog‘iston Respublikasi – 2 166 044 kishi

Xorazm viloyati – 2 162 068 kishi

Buxoro viloyati – 2 125 129 kishi

Jizzax viloyati – 1 545 176 kishi

Navoiy viloyati – 1 196 559 kishi

Sirdaryo viloyati – 965 421 kishi

Fergana.gov.uz|Facebook|Instagram|Youtube|X

Marko Rubio rafiqasi bilan O‘zbekistonga keldi

AQSH Davlat kotibi bo‘lgan samolyot Samarqand xalqaro aeroportiga qo‘ndi.

Marko Rubioni O‘zbekiston Prezidenti administratsiyasi rahbari Saida Mirziyoyeva, tashqi ishlar vaziri Baxtiyor Saidov, AQSH prezidentining maxsus vakili Serjio Gor, elchi Jonatan Heniklar kutib oldi.

Fergana.gov.uz|Facebook|Instagram|Youtube|X

#hududlarda

Kuzgi g‘alla ekish ishlari o‘rganildi

Quvasoy shahar hokimi Zafarjon To‘raqulov hududlarda bo‘lib, kuzgi g‘alla ekish jarayonlarini o‘rgandi.

O‘rganish davomida g‘alla ekish ishlari, yer maydonlarini ekishga tayyorlash, urug‘lik sifati hamda agrotexnik tadbirlarga rioya etilishi holatiga alohida e’tibor qaratildi.

Shuningdek, ekish ishlarini belgilangan agrotexnik muddatlarda va sifatli amalga oshirish, mavjud imkoniyatlardan samarali foydalanish hamda kelgusida mo‘l hosil yetishtirish yuzasidan mas’ullarga tegishli tavsiyalar berildi.

Telegram | Hukumat portali | Facebook | Instagram | Youtube

🇺🇿🇺🇸 AQSH Davlat kotibi Marko Rubio O‘zbekistonga kelyapti.

Bu tashrif nimasi bilan tarixiy ahamiyatga ega?

🔵 5 ta muhim fakt!

Fergana.gov.uz|Facebook|Instagram|Youtube|X

Pedagog xodimlar farzandlari uchun kontrakt chegirmasiga ariza berish tartibi

Davlat oliy ta’lim tashkilotlarida tahsil olayotgan pedagog xodimlarning farzandlari to‘lov-kontrakt summasiga chegirma olish uchun onlayn ariza topshirishlari mumkin.

Buning uchun kontrakt.edu.uz axborot tizimiga kirib, tegishli xizmatni tanlash hamda talab etilgan ma’lumotlarni kiritgan holda arizani tasdiqlash lozim.

🎥 Ariza topshirish tartibi bilan yuqoridagi videoyo‘riqnoma orqali tanishishingiz mumkin.

📋 Pedagogik faoliyat bilan bogʻliq lavozimlar roʻyxati

Fergana.gov.uz|Facebook|Instagram|Youtube|X

#Axborot24

"El-yurt umidi" jamg'armasi - top universitetlar sari eng yaqin yo'l

Fergana.gov.uz|Facebook|Instagram|Youtube|X

📢 E’LON!

Hurmatli fuqarolar!

Quvasoy shahar Ichki ishlar boʻlimi boshligʻi podpolkovnik Xasanov Jahongir Mahammadovich tomonidan ichki ishlar sohasidagi masalalar yuzasidan fuqarolar qabuli bo‘lib o‘tadi.

18-oktyabr, yakshanba kuni, soat 9:00 da shahar Ichki ishlar bo'limi binosida.

Qabul jarayonida tegishli mutasaddi tashkilot rahbarlari ham ishtirok etadi.

Fuqarolarni faol ishtirok etishga chaqiramiz!

Ma'lumot uchun telefon raqam: +998903020033

Telegram | Hukumat portali | Facebook | Instagram | Youtube

Prezident Shavkat Mirziyoyev:
"Ochiq raqobat, shaffof qoidalar va kelishilgan shartlarning izchil bajarilishiga asoslangan yangi tizim yaratamiz".
—
Президент Шавкат Мирзиёев:
"Мы создадим новую систему, основанную на открытой конкуренции, прозрачных правилах и последовательном выполнении договоренностей".

Prezident.uz|Facebook|Instagram|YouTube|X

#hududlarda

Xalq bilan muloqot — muammolar yechimining muhim omili

Quvasoy shahar hokimi Zafarjon To‘raqulov “Ziynat” mahallasida fuqarolarning murojaatlarini tinglash, ularni qiynayotgan muammolarga amaliy yechim topish maqsadida navbatdagi sayyor qabulini o‘tkazdi.

Sayyor qabulda shahar hokimi o‘rinbosarlari, tijorat banklari rahbarlari hamda tegishli korxona va tashkilotlar mas’ullari ishtirok etdi.

Qabul davomida fuqarolar tomonidan tibbiy muolaja olish, tadbirkorlik faoliyatini yo‘lga qo‘yish va rivojlantirish uchun imtiyozli kreditlar ajratish, ishga joylashish, kommunal xizmatlar bilan bog‘liq muammolarni hal etish hamda boshqa ijtimoiy-iqtisodiy masalalar yuzasidan murojaatlar bildirildi.

Shahar hokimi har bir fuqarolar ko‘targan masalalarni tegishli soha mas’ullari bilan birgalikda muhokama qildi. Muammolarning kelib chiqish sabablari o‘rganilib, ularni bartaraf etish bo‘yicha zarur choralar belgilandi.

Murojaatlarning ko‘p qismi joyning o‘zida ijobiy hal etildi. Qo‘shimcha o‘rganish, muayyan muddat va tegishli hujjatlar talab etiladigan masalalar esa mas’ul tashkilotlar rahbarlariga biriktirilib, ijrosi qat’iy nazoratga olindi.

Telegram | Hukumat portali | Facebook | Instagram | Youtube

🅰Quvasoy shahar Ichki ishlar bo'limi boshlig'i podpolkovnik Xasanov Jahongir Maxammadovichning shahar aholisiga murojaati

Batafsil» https://gov.uz/oz/quvasoy/news/view/215903

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

🅰Quvasoy shahar prokurori Axmadjonov Sardor Avazovichning shahar aholisiga murojaati

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

#hududlarda

Yuqori Mo‘yan mahallasida kambag‘allikni qisqartirish bo‘yicha manzilli ishlar

Quvasoy shahar hokimi Zafarjon To‘raqulov Yuqori Mo‘yan mahallasida bo‘lib, kambag‘allik reyestridagi oilalar xonadonlarida ularning yashash sharoiti, bandlik holati hamda mavjud daromad manbalarini o‘rgandi.

Muloqotlar davomida oilalarning muammolari va takliflari tinglanib, ularning imkoniyatlari va ehtiyojlaridan kelib chiqqan holda daromadini oshirish hamda turmush sharoitini yaxshilash bo‘yicha aniq yo‘nalishlar belgilab olindi.

Xususan, davlat tomonidan yaratilgan imkoniyatlar doirasida ehtiyojmand fuqarolarga davolanish xizmatlaridan foydalanishda ko‘maklashish, uy-joylarini ta’mirlash uchun ssuda ajratish, shuningdek, mehnatga layoqatli oila a’zolarini ish bilan ta’minlash, kasb-hunarga o‘qitish, tadbirkorlik tashabbuslarini qo‘llab-quvvatlash va o‘zini o‘zi band qilishiga ko‘maklashish masalalariga alohida e’tibor qaratildi.

Shahar hokimi kambag‘allikni qisqartirishda har bir xonadon bilan individual ishlash, oilaning mavjud muammolariga mos amaliy yechimlarni belgilash muhimligini ta’kidladi. Mas’ullarga o‘rganilgan oilalarni manzilli qo‘llab-quvvatlash, ularning barqaror daromad manbayiga ega bo‘lishi va turmush farovonligini oshirish bo‘yicha tegishli vazifalar yuklatildi.

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

#hududlarda

Mahalladagi imkoniyatlar va muammolar joyida o‘rganildi

Quvasoy shahar hokimi Zafarjon To‘raqulov hududlarni ijtimoiy-iqtisodiy rivojlantirish, aholi turmush farovonligini oshirish hamda bandlik masalalarini joyida hal etish maqsadida mahallalardagi o‘rganishlarini davom ettirmoqda.

Navbatdagi o‘rganishlar Yuqori Mo‘yan mahallasida olib borildi. Shahar hokimi hududdagi mavjud holat bilan tanishib, mahalla mas’ullari tomonidan aholi muammolarini hal etish, bandlikni ta’minlash va kambag‘allikni qisqartirish yo‘nalishida amalga oshirilayotgan ishlarni muhokama qildi.

Aholining, ayniqsa, ishsiz va daromadi yetarli bo‘lmagan fuqarolarning imkoniyatlarini aniqlash, ularni munosib ish o‘rinlariga yo‘naltirish, kasb-hunarga o‘qitish, oilaviy tadbirkorlik va o‘zini o‘zi band qilish orqali barqaror daromad manbalarini yaratishga ko‘maklashish bo‘yicha vazifalar belgilandi.

Shuningdek, mahalladagi infratuzilma va ijtimoiy masalalar, aholini qiynayotgan muammolar ham atroflicha ko‘rib chiqildi. Ularni bosqichma-bosqich va manzilli hal etish, har bir yo‘nalish bo‘yicha natijadorlikni ta’minlash yuzasidan mas’ullarga tegishli topshiriqlar berildi.

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

#xalqaro_hamkorlik

Quvasoyda yangi investitsiya loyihalarini amalga oshirish istiqbollari muhokama qilindi

Shahar hokimi Zafarjon To‘raqulov elektrotexnika va kimyo sanoati sohalarida faoliyat yurituvchi xitoylik investorlar bilan uchrashdi.

Muloqot davomida investorlar tomonidan Quvasoy shahrida elektrotexnika va kimyo sanoati yo‘nalishlarida zamonaviy ishlab chiqarish korxonasini tashkil etish bo‘yicha investitsiya loyihasini amalga oshirish taklifi bildirildi.

Loyihani joylashtirish uchun investorlarga “Qo‘qon” erkin iqtisodiy zonasining Quvasoy shahri hududidagi yer maydonlari va mavjud imkoniyatlar haqida ma’lumot berildi. Xitoylik investorlar taklif etilgan hududlarga qiziqish bildirib, loyihani amalga oshirish imkoniyatlarini ko‘rib chiqishga tayyor ekanliklarini bildirdilar.

Uchrashuvda tomonlar o‘rtasida o‘zaro manfaatli hamkorlikni yo‘lga qo‘yish, investitsiya loyihasining istiqbollari, yangi ishlab chiqarish quvvatlarini yaratish hamda kelgusida hamkorlikni amaliy bosqichga olib chiqish masalalari muhokama qilindi.

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

🇩🇯 Suyultirilgan gaz ta’minoti tizimi bosqichma-bosqich isloh qilinadi

Prezident Shavkat Mirziyoyev aholiga suyultirilgan gaz yetkazib berish tizimini takomillashtirish yuzasidan takliflar https://president.uz/oz/lists/view/9583.

🇺🇿Bugungi kunda qariyb 3,8 million aholi va 2 mingga yaqin ijtimoiy soha obyekti suyultirilgan gaz bilan ta’minlanmoqda. Biroq ayrim hududlarda gazning belgilangan muddatda yetkazib berilmasligi, narxlar va budjet subsidiyalari o‘rtasidagi tafovut kabi muammolar saqlanib qolmoqda.

🇺🇿Shu munosabat bilan “Hududgazta’minot” ta’sischiligida “LPG-Trade” MChJ tashkil etish, suyultirilgan gazni birja orqali xarid qilish va aholiga belgilangan tartibda yetkazib berish taklif qilinmoqda. Ehtiyojmand oilalar uchun xarid qilingan har bir kilogramm suyultirilgan gazga manzilli kompensatsiya to‘lash mexanizmi joriy etiladi. Bu orqali umumiy subsidiya o‘rniga budjet mablag‘larini aniq iste’molchiga yo‘naltirish ko‘zda tutilmoqda.

https://gov.uz/oz/ferghana| https://www.facebook.com/fvhokimligi https://www.instagram.com/fviloyatihokimligi https://www.youtube.com/@fvhokimligi https://twitter.com/ferghana_uz

#hududlarda

Kambag‘allikni qisqartirish — manzilli va amaliy yondashuv asosida

Quvasoy shahar hokimi Zafarjon To‘raqulovning Kokilon mahallasidagi o‘rganishlari davomida kambag‘al oilalarning turmush sharoiti, bandligi va daromad manbalari bilan yaqindan tanishildi.

O‘rganish jarayonida har bir oilaning mavjud imkoniyatlari va ehtiyojlaridan kelib chiqib, ularni ijtimoiy qo‘llab-quvvatlash hamda kambag‘allikdan chiqarish bo‘yicha individual yondashuv asosida ish olib borish zarurligi ta’kidlandi.

Xususan, davlat tomonidan yaratilgan imtiyoz va imkoniyatlardan samarali foydalanish, mehnatga layoqatli fuqarolarni doimiy ish o‘rinlariga joylashtirish, kasb-hunar va tadbirkorlikka jalb etish, o‘zini o‘zi band qilishiga ko‘maklashish orqali oilalarning barqaror daromad manbalarini shakllantirish masalalariga alohida e’tibor qaratildi.

Mas’ullarga har bir oilaning muammosini manzilli o‘rganib, ularning daromadini oshirish va farovonligini yaxshilashga qaratilgan amaliy choralarni belgilash bo‘yicha tegishli vazifalar berildi.

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

“Shuhrat” medali - yuksak e’tirof va ishonch ramzi

O‘zbekiston Respublikasi Prezidentining “O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi Farmoni bilan Quvasoy shahridagi “Bog‘bon” mahalla fuqarolari yig‘ini hokim yordamchisi Akbarova Sanobarxon Solidjonovna “Shuhrat” medali bilan taqdirlandi.

Ushbu yuksak davlat mukofoti Sanobarxon Akbarovaning mahallada aholi bandligini ta’minlash, tadbirkorlik tashabbuslarini qo‘llab-quvvatlash, oilalarning daromad manbalarini kengaytirish hamda hududning ijtimoiy-iqtisodiy rivojiga munosib hissa qo‘shib kelayotgan samarali va fidokorona mehnatiga berilgan yuksak e’tirofdir.

Sanobarxon Solidjonovnani ushbu yuksak mukofot bilan samimiy muborakbod etamiz! Kelgusidagi faoliyatida yangi marralar, xalqimiz farovonligi yo‘lidagi ezgu ishlarida kuch-g‘ayrat va muvaffaqiyatlar tilaymiz.

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx

O‘zbekiston Respublikasi Prezidentining “O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi https://president.uz/oz/lists/view/9518 bilan Farg‘ona viloyati hokimi Bozarov Xayrullo Xayitbayevich «Fidokorona xizmatlari uchun» ordeni bilan taqdirlandi.

https://gov.uz/oz/ferghana| https://www.facebook.com/fvhokimligi https://www.instagram.com/fviloyatihokimligi https://www.youtube.com/@fvhokimligi https://twitter.com/ferghana_uz

O‘zbekiston Respublikasi Prezidentining “O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi https://president.uz/oz/lists/view/9518 e'lon qilindi.

«Fidokorona xizmatlari uchun» ordeni bilan

Bozarov Xayrullo Xayitbayevich - Farg‘ona viloyati hokimi,
Razakov Muzaffar Maxamatovich - Qo‘shtepa tumanidagi «Fergana global textile» mas’uliyati cheklangan jamiyati ta’sischisi,

«Mehnat shuhrati» ordeni bilan
Saydullayev Shukurullo Xabibullayevich - Qo‘shtepa tumani «Shukrdavlat» ko‘p tarmoqli xususiy korxonasi rahbari,

«Do‘stlik» ordeni bilan

Izmiryan Aleksandr Vladimirovich - «Farg‘onaazot» aksiyadorlik jamiyati azot kislotasi sexi boshlig‘ining texnologik jarayonlarni boshqarish bo‘yicha o‘rinbosari,

«Jasorat» medali bilan

Toshboyeva Odinaxon Madaminovna - Quva tumanidagi yakka tartibdagi tadbirkor, tikuvchi,

«Shuhrat» medali bilan

Kosimova Iboxon - Qo‘shtepa tumani, (100 yoshdan oshganlar)

«Shuhrat» medali bilan

Abduraximov Avaz Abdullayevich - Qo‘qon shahridagi «Avilon Kokand» mas’uliyati cheklangan jamiyati rahbari,
Akbaraliyev Alisher Axmadaliyevich - Farg‘ona shahridagi «Avtooyna» mas’uliyati cheklangan jamiyatining chilangar-ta’mirlovchisi,
Akbarova Sanobarxon Solidjonovna - Quvasoy shahridagi «Bog‘bon» mahalla fuqarolari yig‘ini hokim yordamchisi,
Alikulov Shavkatjon Sheraliyevich - Quva tumanidagi «Quva-agro star» mas’uliyati cheklangan jamiyati direktori, 
Djurayev Xikmatjon Yusufjonovich - Yozyovon tumanidagi «Far sitrus» fermer xo‘jaligi boshlig‘i,
Madraximov Kozimbek Ismoilovich - Oltiariq tumanidagi «Ismoil Nozim obod» ko‘p tarmoqli fermer xo‘jaligi boshlig‘i,
Maxmudov Erkin Omonovich - Beshariq tumanidagi «Farg‘ona Yasin qurilish mollari» mas’uliyati cheklangan jamiyati rahbari,
Sirojiddinov Abdurashid Zaylobiddinovich - Bag‘dod tumanidagi «Shuhratjon» xususiy korxonasi rahbari,
Toshmatov Obloberdi Isakovich - Toshloq tumanidagi «Toshloq avto servis» mas’uliyati cheklangan jamiyati rahbari,
Xakimov Zoxidjon Zokirjonovich - Quva tumanidagi «Quvonchbek Zohidjon fermasi» mas’uliyati cheklangan jamiyati rahbari.

https://gov.uz/oz/ferghana| https://www.facebook.com/fvhokimligi https://www.instagram.com/fviloyatihokimligi https://www.youtube.com/@fvhokimligi https://twitter.com/ferghana_uz

O‘zbekiston Respublikasi Prezidentining “O‘zbekiston Respublikasi mustaqilligining o‘ttiz besh yilligi munosabati bilan fan, ta’lim, sog‘liqni saqlash, sport, madaniyat va san’at sohalari hamda ommaviy axborot vositalari xodimlaridan bir guruhini mukofotlash to‘g‘risida ”gi https://president.uz/oz/lists/view/9517 e'lon qilindi.

Mukofotlanganlar orasida viloyatimiz vakillari ham bor.

II darajali “Sog‘lom avlod uchun” ordeni bilan

Raxmatullayev Izatulla - Farg‘ona jamoat salomatligi tibbiyot institutining tibbiy va biologik-kimyo kafedrasi dotsenti,
Ergashev Sirojiddin Fayazovich - Farg‘ona davlat texnika universitetining elektronika va asbobsozlik kafedrasi professori,

“Shuhrat” medali bilan

Gofurova Diloram Baxadirovna - O‘zbekiston Respublikasi Din ishlari bo‘yicha qo‘mitasining Farg‘ona viloyati hududiy boshqarmasi yetakchi mutaxassisi,
Jamolitdinova Dilnoza Mirxojidinovna - Qo‘qon davlat universitetining gumanitar fanlar va tillar fakulteti dekani,
Ismoilova Maxliyoxon Xabibullo qizi - Oltiariq tumanidagi 89-oilaviy poliklinikasi katta hamshirasi.

https://gov.uz/oz/ferghana| https://www.facebook.com/fvhokimligi https://www.instagram.com/fviloyatihokimligi https://www.youtube.com/@fvhokimligi https://twitter.com/ferghana_uz

#Mustaqillik_shukuhi

Quvasoy shahar markazidagi dehqon bozorida arzonlashtirilgan savdo yarmarkasi tashkil etildi

| https://gov.uz/oz/quvasoy | https://www.facebook.com/profile.php?id=61569894257020 | https://www.instagram.com/quvasoy_shahar_hokimligi/ | https://www.youtube.com/@QuvasoyshaharhokimligiAxborotx