Ministry of Revenues -Medium Taxpayers Branch No2

"እናቶች ተረጋግተው እንዲሠሩና ልጆቻቸውን በቅርበት እንዲከታተሉ የማቆያው ሚና ከፍተኛ ነው!" — አቶ ቶሉ ፊጤ
************************
(ጳጉሜ 3 ቀን 2018 ዓ.ም፤ መካከለኛ ግብር ከፋዮች ቅ/ጽ/ቤት)
የመካከለኛ ግብር ከፋዮች ቁጥር 2 ቅርንጫፍ ጽሕፈት ቤት በሕፃናት ማቆያው ውስጥ ሲንከባከባቸው የቆዩትንና አሁን ላይ ቅድመ-መደበኛ ትምህርትን ለሚቀላቀሉ ሕፃናት ሽኝት አደረገ።

በመርሐ ግብሩ ላይ የተገኙት የቅርንጫፍ ጽሕፈት ቤቱ ዋና ሥራ አስኪያጅ አቶ ቶሉ ፊጤ ለሕፃናቱ እና ለወላጆች የእንኳን ደስ አላችሁ መልዕክት አስተላልፈዋል።

በመልዕክታቸውም የሕፃናት ማቆያው እናቶች በሙሉ ትኩረትና እረፍት አግኝተው ሥራቸውን እንዲያከናውኑ ያስቻለ መሆኑን፣ ልጆች የሕይወት ዘመን ስንቃቸውን የሚሰንቁበትና ለነገው ትውልድ መሠረት የሚጣልበት ሥርዓት መሆኑን አብራርተዉ ሕፃናቱን በፍቅር በመንከባከብ ለእናቶች እረፍት የሆኑትን የሴቶችና ወጣቶች ማኅበራዊ ጉዳይ ቡድንን እንዲሁም የሕፃናት ተንከባካቢዎችን አመስግነዋል።

አቶ ቶሉ አክለውም የዚህ መሰል ማቆያዎች ፋይዳ ለእናቶች ብቻ ሳይሆን ለሀገርም ከፍተኛ መሆኑን በማስገንዘብ፣ ወደ ቅድመ-መደበኛ ትምህርት ለተሸጋገሩት ሕፃናት መልካም የትምህርት ዘመን እንዲሆንላቸው ተመኝተዋል።
መርሐ ግብሩ ለሕፃናቱ የተዘጋጁ የማበረታቻ ሽልማቶችን በመስጠት በደመቀ ሁኔታ ተጠናቋል።

ግብር÷ ለሃገር ክብር!

ወቅታዊ፣ ትኩስ እና የተሟሉ መረጃዎችን ለማግኘት፡-
ቴሌግራም፦
ፌስቡክ፡- https://web.facebook.com/info.mto2/
ቲክቶክ፡- https://www.tiktok.com/@mto2education
ኢሜል፡- [email protected]
ዩትዩብ፡- https://www.youtube.com/@ministryofRevenues-MTO2

📣 ለግብር ከፋዮች በሙሉ፦ ስለ አዲሱ የታክስ አስተዳደር ማሻሻያ አዋጅ (ቁጥር 1434/2018) ማወቅ የሚገቡዎት ዋና ዋና ነጥቦች! 📣
የፌዴራል ታክስ አስተዳደር አዋጅን ለማሻሻል የወጣው አዋጅ ቁጥር 1434/2018 ከሐምሌ 23 ቀን 2018 ዓ.ም (July 30, 2026) ጀምሮ በነጋሪት ጋዜጣ ታትሞ ፀድቋል። አዋጁ የታክስ አሰራሩን ፍትሐዊ፣ ቀልጣፋ እና ዘመናዊ ለማድረግ በርካታ አዳዲስ መብቶችና ግዴታዎችን ይዞ ወጥቷል።
እነዚህን ዋና ዋና ለውጦች በአጭሩ ይወቁ፦
🔹 1. የታክስ አለመግባባትን በስምምነት (Conciliation) የመፍታት መብት
ከታክስ ባለስልጣኑ ጋር አለመግባባት ከተፈጠረ፣ ጉዳዩን በገለልተኛ አካል አመቻችነት በስምምነት/በዕርቅ መጨረስ ይቻላል።
አሰራሩ ሙሉ በሙሉ በፈቃደኝነት እና በሚስጥራዊነት ላይ የተመሰረተ ነው።
ልዩ ዕድል፦ አዋጁ ከመውጣቱ በፊት ይግባኝ ብለው ክርክር ላይ ያሉ ግብር ከፋዮች፣ ጉዳያቸው በዕርቅ እንዲያልቅ አዋጁ ከፀደቀበት ቀን ጀምሮ በ60 ቀናት ውስጥ ማመልከቻ ማቅረብ ይችላሉ።
🔹 2. በሁኔታ ላይ የተመሰረተ የታክስ ምስክር ወረቀት (Conditional Tax Clearance)
የታክስ ዕዳ ያለበት ግብር ከፋይ በቅሬታ/ይግባኝ ሂደት ላይ ከሆነ ወይም የክፍያ ስምምነት (Installment Agreement) ከፈጸመ፣ በሁኔታ ላይ የተመሰረተ ክሊራንስ ማግኘት ይችላል።
ጥቅሙ፦ የንግድ/የሙያ ፈቃድ ለማደስ፣ በጨረታ ለመሳተፍ፣ የተሽከርካሪ/ማሽነሪ ምርመራ ለማድረግ እና የባንክ ብድር ለማግኘት ያገለግላል።
🔹 3. የታክስ ውሳኔ ማስታወቂያ ማስተካከያ እና ይርጋ
ስህተትን ማረም፦ በታክስ ውሳኔ ላይ የሂሳብ/የስሌት ስህተት፣ አዲስ ማስረጃ ወይም የህግ ትርጉም ግድፈት ካለ ባለስልጣኑ ወይም በግብር ከፋዩ ጥያቄ ውሳኔው ሊስተካከል ይችላል።
የይርጋ ጊዜ፦ በመደበኛ ሁኔታ የራስ ታክስ ስሌት ከቀረበበት ወይም ውሳኔ ከተሰጠበት ቀን ጀምሮ የ5 ዓመት የይርጋ ጊዜ አለው። የታክስ ማጭበርበር ከተረጋገጠ ግን የይርጋ ጊዜው ወደ 10 ዓመት ከፍ ይላል።
🔹 4. ደረሰኝ አለመስጠት እና አስተዳደራዊ ቅጣቶች
ደረሰኝ አለመስጠት፦ ደረሰኝ ሳይሰጥ በሚቀርብበት በእያንዳንዱ ግብይት ላይ 100,000 (አንድ መቶ ሺህ) ብር አስተዳደራዊ ቅጣት ይጣላል። ይህ ቅጣት በባለስልጣኑ ሊነሳ አይችልም።
የወንጀል ተጠያቂነት፦ ደረሰኝ አለመስጠት ወደ ወንጀል ክስ የሚቀየረው በአንድ የግብር ዘመን ውስጥ ለሁለት ጊዜያት ያህል አስተዳደራዊ ቅጣት ከተቀጡ በኋላ ድርጊቱ ለ3ኛ ጊዜ ከተፈጸመ ብቻ ነው።
የሃሰት ደረሰኝ/ዋጋ ማሳነስ፦ በአንድ ግብይት ላይ ተመሳሳይ ደረሰኝ ላይ የተለያዩ ዋጋዎችን በመመዝገብ ዋጋ ማሳነስ 100,000 ብር ቅጣት እና ከ5 እስከ 7 ዓመት በሚደርስ ጽኑ እስራት ያስቀጣል።
🔹 5. የድርጅቶች እና የኃላፊዎች ተጠያቂነት
በድርጅት ደረጃ የታክስ ጥሰት ሲፈጸም፣ የድርጅቱ ሥራ አስኪያጅ ወይም የፋይናንስ ኃላፊ ተጠያቂ ይሆናሉ።
ነገር ግን ድርጊቱ ከእውቀታቸው ውጭ መሆኑን፣ ያላዘዙ/ያልተባበሩ መሆኑን ወይም መከላከል የሚያስችል የውስጥ ቁጥጥር ስርዓት የዘረጉ መሆኑን ካስረዱ ነፃ ይሆናሉ።
📍 ተጨማሪ መረጃ፦ የደንበኞች ቻርተርን፣ የኤሌክትሮኒክስ ደረሰኝና የQR ኮድ አጠቃቀም መመሪያዎችን በመከተል የግብር ግዴታዎን በወቅቱ ይወጡ፤ ህጋዊ አሰራርን በመከተል ንግድዎን ያሳድጉ!