Iste'mol.uz – Surxondaryo

🏠 UY-JOY SOTIB OLAYOTGAN BO‘LSANGIZ, VA’DAGA EMAS, SHARTNOMAGA ISHONING!

Bugun uy-joy yoki qurilish bilan bog‘liq katta miqdordagi mablag‘ni to‘lashdan oldin bir narsani unutmang: og‘zaki va’da — hujjat emas!

“Kalitni tez orada beramiz”, “gaz, suv, elektr tayyor”, “kadastrni o‘zimiz qilib beramiz”, “boshqa to‘lov bo‘lmaydi” kabi va’dalar aytilsa, ularning barchasi shartnomada aniq aks etganiga ishonch hosil qiling. Chunki keyinchalik og‘zaki va’dani isbotlash ancha qiyin.

⚠️ Yana bir muhim jihat — “investor” bo‘lib qolmang!

Agar siz uy-joyni qayta sotish yoki foyda olish uchun emas, o‘zingiz va oilangiz yashashi uchun olayotgan bo‘lsangiz, shartnomadagi huquqiy maqomingizga alohida e’tibor bering.

Shartnomada “investor”, “investitsiya kirituvchi”, “sarmoyador”, “investitsiya faoliyati”, “foyda olish”, “daromad”, “investitsiya tavakkali” kabi iboralar uchrasa, ularning mazmunini tushunmasdan imzo qo‘ymang. Shartnomaning nomi o‘z-o‘zidan sizni iste’molchi huquqlaridan mahrum qilmaydi, biroq bunday iboralar keyinchalik nizoda munosabatni investitsiya munosabati sifatida talqin qilishga urinish uchun asos qilib ko‘rsatilishi mumkin.

📋 Shartnomani imzolashdan oldin:

✅ obyektning aniq manzili va xonadon raqamini;
✅ umumiy narx va to‘lov grafigini;
✅ topshirish sanasini;
✅ ta’mir darajasini;
✅ gaz, suv, elektr va boshqa kommunikatsiyalar holatini;
✅ kadastr va hujjatlarni rasmiylashtirish tartibini;
✅ kechikish uchun javobgarlikni;
✅ pulni qaytarish shartlarini tekshiring.

⏰ “Taxminan”, “reja bo‘yicha”, “imkon qadar” kabi noaniq muddatlarga ham e’tiborli bo‘ling. Shartnomada aniq sana yoki hisoblanadigan muddat ko‘rsatilgani maqsadga muvofiq.

Shuningdek, iste’molchi huquqlarini cheklaydigan yoki qonunchilikka zid shartlar mavjud bo‘lsa, ularga alohida e’tibor qarating.

📂 Barcha dalillarni saqlang!

Shartnoma, to‘lov cheki, bank o‘tkazmasi, reklama, buklet, messenjer yozishmalari, audio yoki boshqa qonuniy olingan dalillar muammo yuzaga kelganda muhim ahamiyatga ega. Huquqingiz buzilsa, talabingizni yozma ravishda yuboring.

🔐 Yodda tuting:

AVVAL — O‘QING.
KEYIN — TUSHUNING.
SO‘NG — TEKSHIRING.
SHUNDAN KEYINGINA — IMZO QO‘YING VA TO‘LOV QILING!

🌐 https://istemol.uz/index.php/matbuot-xizmati/yangiliklaar/federatsiya-ogohlantiradi-uy-joy-yoki-qurilish-boyicha-shartnoma-tuzayotganda-aldov-va-chalgituvchi-vadalarga-ishonmang

📞 1091 — Yagona ishonch telefoni (soat 09:00 dan 18:00 ga qadar)

http://murojaat.istemol.uz/

🌐 http://istemol.uz/ | 📷 https://www.instagram.com/uzbekneftegazrasmiy/ https://www.instagram.com/istemol.uz/ | 👉 https://t.me/istemolchi1 | ▶️ https://www.youtube.com/@ungmatbuotxizmati/videos https://www.youtube.com/watch?v=p9a12vM3cqo | 💬 https://www.facebook.com/ozbekneftgaz https://www.facebook.com/istemolchimatbuot/

#sarhisob

Iste’molchilar huquqlari — doimiy e’tiborda: tizim faoliyati tanqidiy tahlil qilindi (foto)

O‘zbekiston iste’molchilar huquqlarini himoya qilish jamiyatlari federatsiyasining navbatdagi hisobot yig‘ilishi bo‘lib o‘tdi.

Unda tizimning 2026-yil birinchi choragidagi faoliyati sarhisob qilinib, istiqboldagi ustuvor vazifalar belgilab olindi.

👉 https://istemol.uz/index.php/matbuot-xizmati/yangiliklaar/istemolchilar-huquqlari-doimiy-etiborda-tizim-faoliyati-tanqidiy-tahlil-qilindi

🌐 http://istemol.uz/ | 📷 https://www.instagram.com/uzbekneftegazrasmiy/ https://www.instagram.com/istemol.uz/ | 👉 https://t.me/istemolchi1 | ▶️ https://www.youtube.com/@ungmatbuotxizmati/videos https://www.youtube.com/watch?v=p9a12vM3cqo | 💬 https://www.facebook.com/ozbekneftgaz https://www.facebook.com/istemolchimatbuot/

📢 Iste’molchilar huquqlari bo‘yicha targ‘ibot ishlari kengaymoqda

O‘zbekiston iste’molchilar huquqlarini himoya qilish jamiyatlari federatsiyasi tizimida aholi o‘rtasida iste’mol madaniyatini oshirish, huquqiy savodxonlikni mustahkamlash hamda dolzarb masalalar yuzasidan tushuntirish ishlarini olib borish maqsadida hududlarda targ‘ibot tadbirlari izchil davom ettirilmoqda.

Jumladan, Sariosiyo tuman Iste’molchilar huquqlarini himoya qilish jamiyati mutaxassisi tomonidan tumandagi 8-sonli MTTda “Iste’molchi plastik karta bilan savdo qilishda va xizmat ko‘rsatishda yuzaga kelayotgan muammolar” mavzusida davra suhbati tashkil etildi.

Shuningdek, tumandagi tibbiyot birlashmasiga qarashli Sharg‘un shahar poliklinikasida “Iste’molchi onlayn xarid qilingan tovarni qaytarishga haqlimi?” mavzusida davra suhbati o‘tkazilib, ishtirokchilarga amaldagi qonunchilik talablari asosida batafsil tushuntirishlar berildi.

Bundan tashqari, Jarqo‘rg‘on tumanidagi 11-sonli hamda 25-sonli umumta’lim maktablarida ham iste’molchilar huquqlarini himoya qilishga qaratilgan targ‘ibot va davra suhbatlari tashkil etildi.

Tadbirlar davomida fuqarolarga iste’molchi sifatida o‘z huquq va majburiyatlari, shuningdek, muammoli holatlarda murojaat qilish tartiblari yuzasidan zarur tavsiyalar berildi.

☎️ 1091 – Ishonch telefoni orqali o‘z murojaatlaringizni yo‘llashingiz mumkin.

#IstemolchiHuquqlari #Targibot #1091 #Sariosiyo #Jarqorgon

Ijtimoiy tarmoqdagi sahifalarimiz:
🔹 | 🔹 https://surxondaryo.istemol.uz/|🔹 https://www.facebook.com/profile.php?id=61563017463989

SIFATSIZ MEBEL ALMASHTIRILDI

Sherobod tumanida istiqomat qiluvchi fuqaro J.F. tomonidan xarid qilingan mebel mahsulotining sifati yuzasidan murojaat kelib tushdi.

Murojaat belgilangan tartibda o‘rganilib, aniqlanishicha, iste’molchi tuman hududidagi mebel savdo do‘konidan 6 900 000 so‘m evaziga kredit asosida mebel to‘plamini xarid qilgan. Biroq qisqa muddat ichida mahsulotda nuqsonlar yuzaga kelgani ma’lum bo‘lgan.

Holat yuzasidan tuman iste’molchilar huquqlarini himoya qilish jamiyati mutaxassislari tomonidan o‘rganish ishlari olib borilib, tomonlarga amaldagi qonunchilik talablari yuzasidan tushuntirishlar berildi.

✅ O‘rganish natijasiga ko‘ra:
— sifatsiz mebel o‘rniga yangi va sifatli mebel to‘plami tayyorlab berildi
— iste’molchining talabi to‘liq qanoatlantirildi

Natijada murojaat ijobiy hal etilib, iste’molchi tomonidan qo‘shimcha e’tirozlar yo‘qligi bildirildi.

📌 Eslatma: sifatsiz mahsulot xarid qilgan bo‘lsangiz, uni almashtirish yoki yetkazilgan zararni qoplatish huquqiga egasiz.
📞 Ishonch telefoni: 1091

Ijtimoiy tarmoqdagi sahifalarimiz:
🔹 | 🔹 https://surxondaryo.istemol.uz/|🔹 https://www.facebook.com/profile.php?id=61563017463989

Iste’molchi murojaati o‘rganildi: gaz hisoblagichi bo‘yicha aniqlik kiritildi

Sariosiyo tumanida iste’molchilarning murojaatlari asosida tizimli o‘rganish ishlari davom etmoqda.

Jumladan, tuman iste’molchilar huquqlarini himoya qilish jamiyatiga kelib tushgan murojaatga asosan, fuqaroning tabiiy gaz iste’moli uchun hisoblangan to‘lov miqdori yuqoriligi yuzasidan o‘rganish ishlari olib borildi.

Mazkur murojaatni xolis va har tomonlama ko‘rib chiqish maqsadida, jamiyat inspektori hamda Sariosiyo tumangaz bo‘limi mas’ul xodimi ishtirokida ishchi guruh tuzilib, joyiga chiqib tekshiruv o‘tkazildi.

O‘rganish davomida:
Gaz hisoblagichining texnik holati ko‘zdan kechirildi;
Abonent raqami orqali maxsus dasturda iste’mol ko‘rsatkichlari tahlil qilindi.

Natijalarga ko‘ra:
Gaz hisoblagichi belgilangan me’yorlar asosida soz holatda ishlayotgani aniqlandi;
Hech qanday texnik nosozlik yoki nojo‘ya holatlar qayd etilmadi;
Hisoblagich ko‘rsatkichlari amaldagi iste’mol hajmiga mos kelishi tasdiqlandi.

Xulosa:
Bunday o‘rganishlar iste’molchilar va xizmat ko‘rsatuvchi tashkilotlar o‘rtasida ochiqlik va shaffoflikni ta’minlashga xizmat qiladi. Har bir murojaat qonuniy asosda ko‘rib chiqilib, fuqarolar manfaatlarini himoya qilish ustuvor vazifa hisoblanadi.

📞 Agar Siz ham shunday holatlarga duch kelsangiz, 1091 ishonch telefoniga murojaat qilishingiz mumkin.

Ijtimoiy tarmoqdagi sahifalarimiz:
🔹 | 🔹 https://surxondaryo.istemol.uz/|🔹 https://www.facebook.com/profile.php?id=61563017463989

#Murojaatyechimnatija

Anons

​📣 TEZ KUNLARDA: HAR BIR MUROJAAT ORTIDA INSON TAQDIRI VA ADOLAT TURIBDI!

​Sizda ham sotib olingan mahsulot yoki ko‘rsatilgan xizmatdan norozilik bormi?

Muammoingiz yechimsiz qolayotgandek tuyulyaptimi?

Unday bo‘lsa, ushbu video aynan siz uchun!

​🎬 Yaqin kunlarda e’tiboringizga havola etiladigan maxsus lavhada:

​Sifatsiz smartfon uchun mablag‘ini qaytara olgan yigit;

​Kommunal to‘lovlardagi nohaq qarzdorlikdan xalos bo‘lgan fuqarolar;

​Va o‘z huquqini tiklagan o‘nlab yurtdoshlarimizning samimiy minnatdorchiligi.

​"Adolat sekin harakat qilishi mumkin, lekin u baribir manzilga yetib keladi."

​O‘zbekiston iste’molchilar huquqlarini himoya qilish jamiyatlari federatsiyasi — biz sizning huquqlaringiz himoyachisimiz!

​👉 1091 — Yagona ishonch telefoni

http://murojaat.istemol.uz/

​🔔 Bizni kuzatib boring, to‘liq videoni o‘tkazib yubormang!

👇Bizni kuzating:

http://🌐Istemol.uz/ | 📷 https://www.instagram.com/uzbekneftegazrasmiy/ https://www.instagram.com/istemol.uz/ | 👉 https://t.me/istemolchi1 | ▶️ https://www.youtube.com/@ungmatbuotxizmati/videos https://www.youtube.com/watch?v=p9a12vM3cqo | 💬 https://www.facebook.com/ozbekneftgaz https://www.facebook.com/istemolchimatbuot/

💳 BANK KARTASIDAGI MABLAG‘ YO‘QOLISHI HOLATI YUZASIDAN TUSHUNTIRISH

📌 Fuqaroning bank kartasidagi pul mablag‘lari vaqtincha ko‘rinmay qolganligi yuzasidan murojaati tegishli tartibda o‘rganildi.

🔍 O‘rganish natijasida aniqlanishicha, mazkur holat mablag‘larning yo‘qolishi bilan bog‘liq emas, balki texnik nosozlik yoki tizimdagi vaqtinchalik uzilishlar sababli balansda aks etmagan.

⚖️ Huquqiy jihatdan:

Bank va mijoz o‘rtasidagi munosabatlar amaldagi fuqarolik qonunchiligi hamda bank xizmatlariga oid normativ hujjatlar bilan tartibga solinadi.
Bank mijoz mablag‘lari xavfsizligini ta’minlash va hisob-kitoblarni to‘g‘ri yuritish majburiyatiga ega.
Mablag‘lar asossiz yechib olingan taqdirda, bank moddiy javobgarlikka tortilishi mumkin.

ℹ️ Shu bilan birga, amaliyotda texnik uzilishlar sabab mablag‘larning vaqtincha ko‘rinmasligi holatlari uchrab turadi va bu har doim ham huquqbuzarlik sifatida baholanmaydi.

📢 Bunday vaziyatda:

bank tomonidan tezkor axborot berilishi,
muammoning zudlik bilan bartaraf etilishi muhim hisoblanadi.

📝 Agar fuqaro berilgan javobdan norozi bo‘lsa, u:

yuqori turuvchi tashkilotlarga
yoki sudga murojaat qilish huquqiga ega.

📚 Ushbu huquq “Jismoniy va yuridik shaxslarning murojaatlari to‘g‘risida”gi Qonun bilan kafolatlangan.

✅ Xulosa: Mazkur holatda bankning aybi aniqlanmagan bo‘lsa-da, iste’molchi o‘z huquqlarini qonuniy tartibda himoya qilish imkoniyatiga ega.

☎️ Huquqlaringiz buzilganmi? 1091 ishonch telefoniga murojaat qiling!

Ijtimoiy tarmoqdagi sahifalarimiz:
🔹 | 🔹 https://surxondaryo.istemol.uz/|🔹 https://www.facebook.com/profile.php?id=61563017463989